Almaty qalasynyń komúnıtı-ortalyqtarynda «Zhas Project» jastar jobasy boıynsha ótinimder qabyldanady
Almatyda Zhas project jastarǵa arnalǵan shaǵyn granttar baıqaýy bastalady. Grant somasy 1 mln teńgeni quraıdy, megapolıske 20 grant bólindi. Ótinimderdi qabyldaý 25 naýryzda bastalyp, bir aıǵa sozylady. Bul týraly Óńirlik komýnıkasıalar qyzmetiniń alańynda konkýrsty uıymdastyrýshylar men jastar saıasaty basqarmasynyń ókili habarlady.
Uıymdastyrýshylar jobanyń QR Mádenıet jáne aqparat mınıstrliginiń qoldaýymen Azamattyq bastamalardy qoldaý ortalyǵymen birlesip júzege asyrylyp jatqanyn eske saldy.
«Búgin biz óz qalamyzda Zhas project jobasynyń iske qosylatynyn resmı túrde jarıalaımyz. Bul joba-bizdiń jastarymyz úshin ózin kórsetip qana qoımaı, tabysty bolashaqqa, kásipti ıgerýge, múmkin óz bıznesin ashýǵa jaǵdaı jasaýǵa tamasha múmkindik. Joba jeke jáne kásibı maqsattarǵa qol jetkizýge kómektesip qana qoımaı, urpaqtar arasyndaǵy dıalogty qalyptastyrady jáne jastarǵa qoǵamǵa tabysty kirigýge múmkindik beredi», - dedi Jastar saıasaty basqarmasy basshysynyń orynbasary Ázız Qajdenbek.
Jobanyń maqsaty-jastardy qoldaý jáne damytý, olardyń kásibı jáne kóshbasshylyq daǵdylaryn arttyrý úshin múmkindikter jasaý, sondaı-aq jergilikti qoǵamdastyqtyń áleýmettik máselelerin sheshýge baǵyttalǵan óz jobasyn iske asyrý múmkindigi.
Bıylǵy jyly Almaty qalasy men Mańǵystaý oblysynda Zhas project jobasyn iske asyratyn «Túpqaraǵan jastary» jastar qoǵamdyq birlestiginiń ókili Asıma Sultanova jobany iske asyrý úshin osy óńirlerde jeke jobalyq keńse qurylǵanyn, onyń qyzmetin konkýrstyq negizde iriktelgen uıym júzege asyratynyn atap ótti.
«Biz úshin NEET sanatyndaǵy jastardy tartý mańyzdy, bul múmkindikter árqashan qol jetimdi bola bermeıdi», - dedi joba úılestirýshisi Asıma Sultanova.
Zhas Project aıasynda jastar ózderiniń áleýmettik bastamalaryn iske asyrýǵa jáne tálimgerlerdi qoldaýǵa 1 mıllıon teńgege deıin qarajat ala alady. 2024 jyly jastar jobalaryn iske asyrý 4 aıǵa sozylady.
Almatyda 20 grant berý josparlanýda. Konkýrsqa qatysýǵa ótinimderdi qabyldaý 25 naýryzdan 24 sáýirge deıin bastalady.
Granttyq konkýrsqa qatysýǵa Almatyda ýaqytsha nemese turaqty tirkeýi bar, ýaqytsha jumys istemeıtin, oqymaıtyn nemese kásiptik daıarlaýdan, qaıta daıarlaýdan ótpeıtin 18 jastan 35 jasqa deıingi jastar shaqyrylady.
«Ótinish berý úshin birinshi qadam - ózińizdiń áleýmettik jobańyzdyń ıdeıasyn anyqtaý, www.zhasproject.com saıtyna kirip, saýalnamany toltyryp, barlyq sharttar men mártebege sáıkestigin rastaıtyn qujattardy tirkep, óz jobańyzdy nysan boıynsha sıpattap, búdjet jasap, shaǵyn granttar konkýrsyna qatysýǵa ótinim berýge bolady», - dep túsindirdi Asıma Sultanova.
Ótinimderdi konkýrstyq irikteý 2 kezeńnen turady:
- tehnıkalyq (ótinimder men qujattamanyń irikteý erejelerine sáıkestigin tekserýdi bildiredi);
- konkýrstyq komısıanyń irikteýi.
Barlyq jeńimpazdarmen resmı shart jasalady. Jobadan keıin barlyq satyp alynǵan jabdyqtar jastarda qalady, osylaısha olar óz jobalaryn odan ári jalǵastyryp, damyta alady.
Jastar jobalaryn iske asyrý kezinde qatysýshylarǵa 2023 jyly jumys istegen mentorlar arasynan irikteletin tálimgerlerge konsýltatıvtik kómek kórsetiledi.
«Bizdiń mindetimiz – az da bolsa, bul kórsetkishterdi tómendetý, jastardy áleýmettik belsendi jáne jaýapty bolýǵa úıretý, olarǵa qorshaǵan ortaǵa jáne ózderi úshin mańyzdy jáne paıdaly nárse jasaýǵa múmkindik berý, ózderine senýge kómektesý, sondaı-aq tabysty bolashaq úshin platforma qurýǵa kómektesetin daǵdylardy damytý», - dep túsindirdi A.Sultanova.
Jumystyń mańyzdy aspektisi ashyqtyq bolyp tabylady – jobanyń iske asyrylý barysy týraly barlyq aqparat www.zhasproject.com saıtynda jarıalanatyn bolady, konkýrstarǵa qatysýǵa ótinimder berý de saıt arqyly júzege asyrylady. Sonymen qatar, joba Facebook jáne Instagram áleýmettik jelilerinde resmı paraqshalardy júrgizedi.
Búkil joba barysynda baıqaýǵa qatysýshylarǵa mentorlyq kómek kórsetiledi. Ol úshin Nurkent yqsham aýdany, 69, 4-páterde ornalasqan Jobalyq keńsesine júginip, ortalyq mamandarynan konsýltasıalar, jobany iske asyrý boıynsha suraqtarǵa jaýap, sondaı-aq konkýrstyq ótinimdi qalyptastyrý boıynsha kómek alýǵa bolady. Barlyq suraqtar boıynsha +7 700 271 21 73 nómiri arqyly baılanys ortalyǵyna qońyraý shalýǵa bolady.
Komúnıtı ortalyqtardyń mekenjaıy:
1.Alataý aýdany – Saıaly y/a, 71, +7 707 168 1028;
2.Almaly aýdany – Baıtursynov kóshesi, 22/1, +7 777 122 8901;
3.Áýezov aýdany – Mamyr-1 y/a, 26/1, +7 707 556 7861;
4.Bostandyq aýdany – Abaı dańǵyly, 164 «Terakota» TK, +7 775 583 8015;
5.Jetisý aýdany – Botkın kóshesi, 20, +7 708 334 4539;
6.Túrksib aýdany – Jas Qanat y/a, 1/49, +7 708 390 1363;
7.Medeý aýdany – Nazarbaev dańǵyly, 36, +7 707 571 7104;
8.Naýryzbaı aýdany – Shuǵyla y/a, 343/7, +7 707 663 6949.
Komúnıtı ortalyqtardyń jumys ýaqyty:
Dúısenbi – jeksenbi, demalyssyz, ýaqyty: 10.00-den 19.00-ge deıin.