Búgingi tańda Almatyda qala máslıhatynyń 2023 jylǵy 15 qyrkúıektegi № 50 sheshimimen bekitilgen sheteldikter úshin 0,5 AEK nemese 1 846 teńge mólsherinde týrısik jarna mólsherlemesi qoldanylady.
Qazaqstan Respýblıkasynyń Týrızm jáne sport mınıstrligi bekitetin sheteldikter úshin týrısik jarnany tóleý qaǵıdalary týrısik jarna mólsherlemelerin bekitý úshin negiz bolyp tabylady.
2023 jylǵy 17 qańtardan bastap (Almaty qalasynda týrısik jarna engizilgen kúnnen bastap) 2024 jylǵy 1 aqpanǵa deıin Almaty qalasynyń jergilikti búdjetine 650,4 mln. teńge tústi.
Aǵymdaǵy jyldyń 9 qańtarynan bastap QR Týrızm jáne sport mınıstriniń m.a. 2023 jylǵy 27 jeltoqsandaǵy № 347 buıryǵymen bekitilgen sheteldikter úshin týrısik jarnany tóleý erejesine ózgerister zańdy kúshine endi, oǵan sáıkes týrısik jarnanyń mólsheri Qazaqstannyń búkil aýmaǵynda nól teńge retinde bekitilgen.
Osyǵan baılanysty, Almaty qalasynyń týrızm basqarmasy "Almaty qalasy máslıhatynyń 2023 jylǵy 15 qyrkúıektegi № 50 "Almaty qalasyndaǵy sheteldikter úshin týrısik jarna mólsherlemelerin nól teńge kóleminde bekitý týraly" sheshimine ózgerister engizý týraly " Almaty qalasy máslıhatynyń sheshiminiń jobasyn ázirledi.
NQA engizý reglamentine sáıkes Almaty qalasy Qoǵamdyq keńesiniń, «Atameken» UKP jáne «Ǵaırat Saparǵalıev atyndaǵy memleket jáne quqyq ǵylymı-zertteý ınstıtýty» JSHS sybaılas jemqorlyqqa qarsy saraptama bóliginde oń qorytyndylar alyndy.
Bıylǵy jyldyń 9-24 qańtar aralyǵynda joba NQA ashyq portalynda jarıa talqylaý rásiminen ótti, túsinikteme men usynystar túsken joq.
Búgingi tańda sheteldik týrıser arasynda bizdiń qala keńinen tanymal. Máselen, 2023 jyldyń toǵyz aıynda Almatyǵa 409 myńnan astam adam keldi, bul 2022 jyldyń uqsas kezeńindegi kórsetkishten 51,5% - ǵa artyq. Osylaısha, megapolıs sheteldik týrıserdi qabyldaıtyn Qazaqstan qalalary arasynda kóshbasshy boldy.
Osyǵan baılanysty, Almatyda týrısik jarnany joıý qalanyń týrısik ındýstrıasyn damytý úshin mańyzdy qadam bolyp tabylady. Almaty halyqaralyq týrıser úshin tartymdy ári bul onyń mártebesin arttyrady. Aǵymdaǵy jyly sheteldik týrıser sany 520 myń adamǵa, al 2030 jylǵa qaraı 1 mln. adamǵa deıin ósedi dep josparlanýda.
Bul joba Qazaqstan Respýblıkasynyń qoldanystaǵy zańnamasyna qaıshy kelmeıdi jáne normatıvtik quqyqtyq aktilerge qoıylatyn talaptarǵa jaýap beredi.
Qurmetti depýtattar, sizderden osy sheshim jobasyn qaraýdy jáne bekitýdi suraımyn.