Óńirlik komýnıkasıalar qyzmetiniń brıfıńinde jumyspen qamtýǵa járdemdesý sharalary jáne jastar úshin sýbsıdıalanatyn jumys oryndary týraly Almaty qalasynyń Mansap ortalyǵynyń basshysy Ádilet Jańabaev aıtyp berdi, dep habarlaıdy Almaty-akshamy.kz
Spıker óz sózinde halyqty jumyspen qamtý ortalyqtary shuǵyl eńbek jáne mansap ortalyqtaryna aınalǵanyn eske saldy.
"Bizdiń elimizde jumyspen qamtýdyń jańa saıasatyn iske asyrý halyqtyń jekelegen osal toptaryn jumyspen qamtýǵa járdemdesýden bastap barlyq eńbekke qabiletti azamattar úshin teń bastapqy jaǵdaılar jasaýǵa kóshýdi kózdeıdi. Shuǵyl eńbek ortalyqtarynyń kún tártibinde jańa mindetter tur, olar: erkin eńbek naryǵyn qalyptastyrý, eńbekke qabiletti halyqtyń jańa kásibı daǵdylardy damytýyna qoldaý kórsetý, jańa kóshi - qon saıasatyn iske asyrý jáne Memlekettik qyzmetterdi sıfrlandyrý arqyly eńbek deldaldyǵyn damytý", - dep bólisti ol.
Jastardy sýbsıdıalanatyn jumys oryndaryna jumysqa ornalastyrýǵa keletin bolsaq, bul shara 2021 – 2025 jyldarǵa arnalǵan kásipkerlikti damytý jónindegi ulttyq joba sheńberinde iske asyrylýda.
Jastar praktıkasy - tehnıkalyq jáne kásiptik, orta bilimnen keıingi, joǵary jáne (nemese) joǵary oqý ornynan keıingi bilim berý baǵdarlamalaryn iske asyratyn bilim berý uıymdarynyń jumyssyz túlekteri meńgergen kásibi (mamandyǵy) boıynsha bastapqy jumys tájirıbesin jınaqtaý maqsatynda júzege asyratyn eńbek qyzmetiniń túri.
Qoıylatyn talaptar:
1) jasy: 35 jastan aspaýǵa tıis;
2) tehnıkalyq jáne kásiptik, orta bilimnen keıingi, joǵary jáne (nemese) joǵary oqý ornynan keıingi baǵdarlamalar boıynsha oqý bitirgennen keıin 5 (bes) jyl ishinde;
3) meńgergen kásip (mamandyq) boıynsha jumys tájirıbesiniń bolmaýy;
4) jumyssyz retinde tirkelý.
Sýbsıdıanyń bir aıdaǵy mólsheri jáne merzimi:
• 30 aılyq eseptik kórsetkish;
• 12 aıdan aspaıdy.
“Alǵashqy jumys orny” jobasynyń sheńberindegi jumys oryndary - alǵash jumys izdep júrgen jumyssyzdarǵa jumys ornyn jáne qajetti eńbek daǵdylaryn berýge baǵyttalǵan joba.
Qoıylatyn talaptar:
1) jasy 35 jastan aspaýǵa tıis;
1) jumys tájirıbesiniń bolmaýy;
2) jumyssyz retinde tirkelý.
Sýbsıdıanyń bir aıdaǵy mólsheri jáne merzimi:
• 30 aılyq eseptik kórsetkish;
• 18 aıdan aspaıdy.
"Urpaqtar kelisimsharty" jobasynyń sheńberindegi jumys oryndary - oqý oryndarynyń jumyssyz túlekterin ózderi alǵan kásibi (mamandyǵy) boıynsha nemese ulttyq kásipter synyptaýyshynda qyzmettiń osy tobyna jatatyn uqsas kásip (mamandyq) boıynsha jumysqa ornalastyryp, keıinnen baǵyttalǵan Áleýmettik kodekstiń 207-babynyń 1-tarmaǵynda belgilengen zeınetkerlik jasqa tolǵan, jumys istep júrgen jumyskerdi almastyrýǵa joba.
Qoıylatyn talaptar:
1) jasy: 35 jastan aspaýǵa tıis;
2) tehnıkalyq jáne kásiptik, orta bilimnen keıingi, joǵary jáne (nemese) joǵary oqý ornynan keıingi baǵdarlamalar boıynsha oqý bitirgennen 3 (úsh) jyl ishinde;
4) jumyssyz retinde tirkelý
Sýbsıdıanyń bir aıdaǵy mólsheri jáne merzimi:
• 30 aılyq eseptik kórsetkish;
• 6 aıdan aspaıdy.
Barlyq suraqtar boıynsha Dostyq dańǵyly, 85 mekenjaıy boıynsha ornalasqan Áleýmettik qyzmetter úıine habarlasýǵa bolady. Sondaı-aq, Jumyspen qamtý ortalyǵy janyndaǵy 310-47-82 nómiri boıynsha call-ortalyqqa habarlasýǵa bolady. Azamattarǵa yńǵaıly bolý úshin qabyldaý "bir tereze" júıesi boıynsha júzege asyrylady. Sondaı-aq, kompúterlermen jabdyqtalǵan jáne ınternetke qol jetimdi ózine-ózi qyzmet kórsetý aımaǵy bar.