Elimizde avtokólik sany bir jyl ishinde 8,4 paıyzǵa kóbeıip, bıyl sáýirdiń sońynda 4,1 mln-ǵa jetti, dep habarlaıdy Almaty-akshamy.kz.
Ranking.kz portalynyń málimetinshe, ósim barlyq jyl sanattary boıynsha baıqalady. Degenmen, shyqqanyna 3 jyl bolmaǵan kólikterdiń eleýli ósimi tirkelip otyr. Olardyń sany birden 31,1 paıyzǵa artqan. Sonymen qatar áne-mine eski kólikter sanatyna kireıin dep turǵan 10-20 jyldyq kólikter sany da 13,5 paıyzǵa kóbeıgen.
Elimizde eski kólikter áli kóp. Shyǵarylǵanyna 20 jyldan asqan avtokólikterdiń sany bir jylda 4 paıyzǵa artyp, 2 mln-ǵa jýyqtady, alaıda olardyń úlesi 50,3 paıyzdan 48,3 paıyzǵa deıin tómendedi, -dep jazdy QazAqparat.
20 jyldan asqan eski avtokólikterdiń eń kóp sany Almaty oblysynda tirkelgen: 317,7 myń, odan keıin Almaty qalasy (180,9 myń) jáne Qaraǵandy oblysy (157,6 myń) tur.
Bul rette, paıyzdyq úles boıynsha eski kólikter eń kóp óńirler - Jambyl (69,6%), Almaty (64,9%) jáne Ońtústik Qazaqstan (66,6%) oblystary. Burynǵy Ońtústik Qazaqstanda tirkelgen kólikter sany 148,7 myń bolsa, onyń 99,1 myńy - eski.
Eski kólikterdiń baǵasy besinshi aı qatarynan tómendep keledi. Nátıjesinde, 2023 jyldyń maýsymynda júrilgen jeńil avtokólikter byltyrǵy sáıkes merzimimen salystyrǵanda bir aıda 1,3 jáne bir jylda 5,2 paıyzǵa arzandady.