Jas kásipkerler bıznes jobalaryn 2,5% tómen paıyzben júzege asyra alatyn bolady.
Shaǵyn nesıeleý konkýrstyq negizde 21 men 35 jasqa deıingi jastar arasynda júzege asyrylady, dep habarlaıdy Almaty-akshamy.kz
Bul jóninde Óńirlik komýnıkasıalar qyzmetiniń alańynda «Agrarlyq nesıe korporasıasynyń» Almaty qalasy boıynsha fılıalynyń ókilderi habarlady.
«Bul baǵdarlama boıynsha respýblıkaǵa 28,9 mlrd teńge bólindi, onyń 4,8 mlrd teńgesi Almaty jastaryna bólindi. Bul myńǵa jýyq kásipkerler men jastar. Almaty qalasy boıynsha 200 kásipker men jastarǵa keńes berilip, 20 kásipkerdiń ótinishi qabyldandy, onyń tórteýi komısıa qaraýyna jiberildi», - dedi Almaty qalasy boıynsha fılıal dırektorynyń nesıeleý jónindegi orynbasary Áıken Seıtqas.
Spıkerdiń aıtýynsha, ótinish berer sátte jeke kásipker retinde tirkelý merzimi 5 jyldan aspaýy kerek. Baǵdarlamaǵa jumysshy jastardyń ókilderi de qatysa alady.
Shaǵyn nesıeniń kólemi 5 mln teńgege deıin bekitilgen, mal sharýashylyǵy jobalary úshin óteý merzimi - 7 jylǵa deıin, al bıznestiń basqa baǵyttary úshin 5 jylǵa deıin. Negizgi borysh pen syıaqyny óteý kezinde shaǵyn nesıe merziminiń úshten birine deıin jeńildik kezeń qarastyrylǵan.
Mindetti shart – kepil múliktiń bolýy. Kepil retinde jyljymaly jáne jyljymaıtyn múlik qabyldanady. Kepil bolmaǵan jaǵdaıda kepil berýshi retinde úshinshi tulǵalardy tartýǵa bolady bolady (ata-ana, týys jáne t.b.).
Nesıe berý týraly sheshimdi qala ákimdigi janynan qurylǵan arnaıy komısıa qabyldaıdy. Komısıa quramyna qalalyq Máslıhat depýtattary, memlekettik organdardyń, «Atameken» kásipkerler palatasynyń, bıznes-qoǵamdastyqtardyń jáne BAQ ókilderi kiredi.
«Úmitkerler ózderiniń bıznes-jobalaryn komısıa otyrysynda usynyp, olardyń arasynan eń perspektıvalysyn komısıa tańdaıdy. Joba ózekti, dáleldi, ekonomıkalyq negizdelgen, áleýmettik mańyzy bar, ómirsheń jáne onyń naqty is-qımyl jospary bolýy kerek. Bul rette turǵyn úılerdi, jer ýchaskelerin, baǵaly qaǵazdardy satyp alýǵa jáne jóndeýge, qarý-jaraq, esirtki jáne basqa da múlikti óndirý men satyp alýǵa nesıe berýge tyıym salynady», - dep túıindedi sózin Á. Seıitqas.
Qajetti qujattar tizimi:
- jeke basyn kýálandyratyn qujat;
- joba boıynsha bıznes-jospar;
- qyzmet kórsetetin bankten shottyń bar ekenin rastaıtyn anyqtamalar;
- qarjy uıymdarynan (nesıe bolǵan kezde) nesıe beresheginiń, onyń ishinde merzimi ótken bereshektiń bolýy týraly anyqtamalar;
- qatysýshynyń/úmitkerdiń jalaqysyn jáne (nemese) ózge de tabystaryn rastaıtyn qujat (jınaqtaýshy zeınetaqy qorynan úzindi kóshirme);
- kepil múlikti baǵalaý týraly esep;
- kepil berýshi jáne kepilmen qamtamasyz etý jónindegi qujattar.
Ótinish berý úshin Almaty qalasy, Sátpaev kóshesi, 5 mekenjaıynda ornalasqan «Agrarlyq nesıe korporasıasy» AQ fılıalyna qujattardy tapsyrý qajet. Shaǵyn nesıeleý boıynsha tolyq aqparatty korporasıanyń agrocredit.kz saıtynan bilýge bolady.