Poıyz shalǵaıda jatqan aýyl turǵyndaryna tegin medısınalyq kómek kórsetedi.
Eldi meken úshin asa qat dárigerler, ıaǵnı tis, kóz, qulaq-muryn dárigerleri aýyl halqyn tegin tekserip, emdeıdi. Medısınalyq poıyz zamanaýı dıagnostıkalyq jabdyqtarmen, shaǵyn operasıalyq bólme jáne arnaıy zerthanamen jabdyqtalǵan, dep habarlaıdy Almaty-akshamy.kz
Bıyl jobaǵa alǵash ret kásibı jáne tájirıbeli medıatorlar men zańgerler qosyldy. Sapar aıasynda 75 myńǵa jýyq aýyl turǵyny emdik-konsýltasıalyq qyzmet alady dep josparlanyp otyr.
«Alys jatqan shalǵaıdaǵy aýyldarǵa óte kómegi kóp tıedi.Sebebi, ol jaqtaǵy aýdandyq bolnısalarǵa barý úshin aralary uzaqtaý - úsh saǵat,tórt saǵat. Al ol aýyldyń turǵyndary ol jaqqa kóbinese bara almaıdy», - deıdi medısınalyq poıyz qyzmetkeri Dana Nurjanqyzy.
«ÝZI-ǵa túsirý múmkindigi bar.Der kezinde analızderdi tapsyrý múmkindigi bar.Bul jerde keıbir ýaqyttarda shaǵyn ota jasaý múmkindikteri bar.35 -ten astam dáriger bolady. Balalarǵa da kómek kórsetiledi.Úlken kisilerge de kómek beriledi», - deıdi «Samruk-kazyna trust» áleýmettik jobalardy damytý qorynyń bas dırektory Alfıa Adıeva.