Jastar saıasaty arnaıy uıymdastyrylǵan semınar barysynda talqylanady.
Jastar resýrstyq ortalyqtary qyzmetiniń tıimdiligin arttyrý úshin ne isteý kerek? Bul suraqqa jaýap alý úshin jastar Almatyda ótip jatqan semınarǵa qatysyp jatyr, dep habarlaıdy Almaty-akhamy.kz.
Semınardyń birinshi kúni Memleket basshysynyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynyń negizgi baǵyttaryn, sondaı-aq ony iske asyrý máselelerin talqylaýǵa arnaldy.
«Óńirlik jastar resýrstyq ortalyqtarynyń qatysýshylary men basshylary Memleket basshysynyń jastardy qoldaý jónindegi bastamalaryna erekshe nazar aýdardy. Jastar bilim, ǵylym, sıfrlyq tehnologıalar, kreatıvti ındýstrıa jáne rýhanı-adamgershilik tárbıe sıaqty mańyzdy áleýmettik salalarda, sondaı-aq Joldaýdy iske asyrýda jas belsendilerdiń qatysý máseleleri boıynsha óz pikirlerimen bólisti», – delingen Aqparat jáne qoǵamdyq damý mınıstrliginiń baspasóz qyzmetiniń habarlamasynda.
Aldaǵy eki kún ishinde Memleket basshysy alǵa qoıǵan jańa mindetterdi eskeretindeı memlekettik jastar saıasatynyń negizgi baǵyttaryn talqylaý josparlanýda.
Birinshi kezekte, jastar saıasaty salasyndaǵy jergilikti atqarýshy organdar qyzmetiniń tıimdiligin ólsheýdiń mańyzdy quralyna aınalatyn Jastardyń damytý ındeksi qaralady. Sondaı-aq, «Jastar» ǴZO sarapshylary ázirleıtin NEET sanatyndaǵy jastardy anyqtaý men esepteýdiń jańa ádisnamasyn zerdeleý talqylanady.
JRO jumysynyń sapasyn arttyrý máselelerine arnalǵan semınar-trenıng Almaty qalasy Jastar saıasatyn damytý memlekettik qorynyń alańynda ótýde.
Uıymdastyrýshylardyń aıtýynsha, barlyq semınarlar sanıtarlyq-epıdemıologıalyq normalardy qatań saqtaı otyryp, «Ashyq» júıesin paıdalana otyryp ótkizilýde.
