Almatynyń «Jastar rýhynda» barlyǵy 4 myńnan astam belsendi bar.
Búgin Óńirlik komýnıkasıalar qyzmetiniń alańynda Almaty qalasy «Jastar rýhy» jastar qanatynyń tóraǵasy Ákejan Keńesovtiń qatysýymen baspasóz konferensıasy ótti, dep habarlaıdy Almaty-akshamy.kz
Búginde megapolıstiń árbir aýdanynda jastar uıashyqtary belsendi jumys isteıdi, sondaı-aq olar qalanyń 20 JOO-da jáne 30 orta-arnaıy mekemelerinde ornalasqan.
Jastar qanatynyń jumysyna toqtalǵan Ákejan Keńesov qańtar oqıǵasy kezinde partıa músheleriniń ózderin kórsetip, 800-ge jýyq otbasyna azyq-túlik sebetin jetkizýge eriktiler kómegin kórsetkenin, 2000 stýdent kún saıyn ystyq tamaqpen qamtylǵanyn, 290-nyń úılerine dári-dármek jetkizilgenin, qarttarǵa, taǵy 660 azamatqa quqyqtyq jáne psıhologıalyq kómek kórsetilgendigi týraly aıtty. Sondaı-aq, 200 erikti qalany qalpyna keltirýge atsalysyp, senbilikter ótkizdi.
«Jastar rýhynyń» belsendileri Jeńis kúni qarsańynda «Ardagerlerdi ardaqtaıyq» aksıasyn uıymdastyryp, Almatynyń 20 jalǵyz basty zeınetkerin qamtydy. Sonymen qatar, TazaLike jobasy aıasynda 15 senbilik ótkizildi, 60-tan astam aǵash otyrǵyzyldy, qustarǵa uıalar ornatyldy.
Bıyl alǵash ret «Qaisar» áskerı-patrıottyq jobasy bastaldy. Onyń aıasynda eki júzden astam joǵary synyp oqýshylary dene shynyqtyrý daıyndyǵy boıynsha qashyqtyqtar men synaqtardan ótti.
Jastar qanaty Almaty qalasy máslıhatynyń depýtattarymen turaqty túrde kezdesýler ótkizip turady, al jastardy qoldaý jónindegi oblystyq qoǵamdyq keńestiń Almaty qalasyndaǵy jas depýtattar korpýsymen birlesip 5-ten astam kóshpeli otyrystary ótkizilip, stýdentter jataqhanalarynyń qurylys barysyn baqylaýǵa aldy.
Referendým ótkizý kezinde eriktiler aqparattyq qoldaý kórsetti, sondaı-aq kóshbasshylar jastar men balalar arasynda Internetke táýeldilik pen qumar oıyndardyń aldyn alý sharalaryna qatysady.
Tarıhty, ádebıetti zertteýge baǵyttalǵan zıatkerlik oıyndar turaqty negizde ótkiziledi. Mysaly, Abaı Qunanbaevtyń 177 jyldyǵyna osyndaı vıktorınalardyń biri ótkizildi. Kóbinese oıyndar zańnama suraqtaryna arnalǵan. Mundaı is-sharalardyń jeńimpazdary árdaıym estelik syılyqtarmen baǵalanady, kitaptar men sertıfıkattar alady.
Ákejan Keńesov búginde «Jastar rýhynda» 14 pen 29 jas aralyǵyndaǵy jastar ókili ekenin habarlady.