9 qyrkúıekten beri HQB-ke qansha joba usynyldy
«Halyq qatysatyn búdjet» qalalyq baǵdarlamasyna ótinimderdi qabyldaý 9 qyrkúıekte bastaldy. Bir apta ishinde budget.open-almaty.kz saıtyna turǵyndardan 248 ótinish kelip túsken. 2023 jyldyń sáıkes kezeńinde 151 usynys túsken, dep habarlaıdy aqshamnews.kz
Eń kóp ótinim Almaty qalasynyń Naýryzbaı aýdanynda berilgen – 159 joba. Ekinshi orynda Túrksib aýdany – 26 usynys.
Kóbinese qala turǵyndary balalar jáne sport alańdaryn ornatý jáne aǵymdyq jóndeý, aýlalardy jasyldandyrý, sondaı-aq qoǵamdyq aýmaqtardy jaryqtandyrý jobalaryn usynady.
2025 jyly « Halyq qatysatyn búdjet» baǵdarlamasy boıynsha ıdeıalardy iske asyrý úshin aǵymdaǵy jyldyń 25 qyrkúıegine deıin budget.open-almaty.kz portalyna ótinim berý qajet. Barlyq kámeletke tolǵan turǵyndar búdjet qarajaty esebinen qalanyń aýlalaryn, kósheleri men aýmaqtaryn abattandyrý boıynsha usynystar jasaı alady.
Baıqaý 8 kezeńnen turady: ótinimderdi qabyldaý, saraptamalyq baǵalaý, avtorlardyń jobalardy pysyqtaýy, pysyqtalǵan usynystardy qaraý, daýys berý, daýys berý qorytyndylaryn shyǵarý, búdjettik ótinimderdi qalyptastyrý, jobalardy iske asyrý.
Ótinishterde jobanyń ataýy men sıpattamasy, ornalasqan jeriniń meken-jaıy, boljaldy fotosýretter, syzba nemese eskız, jobalyq usynystyń smetasy bolýy kerek. Bir ótinish 92,3 mln teńgeden (25 myń AEK) aspaýy kerek.
Jobalar kelesi sanattar boıynsha qabyldanady: jasyldandyrý, trotýarlardy jaılastyrý, trotýarlardy, pandýstardy, sýarý aryqtaryn salý jáne jóndeý, qoǵamdyq aýmaqtardy qurý, jóndeý jáne jaryqtandyrý, bordúrlerdi, brýschatkalardy, tirek qabyrǵalardy jóndeý, qoqys alańdaryn joıý, qoǵamdyq oryndarda besedkalardy, oryndyqtardy, qoqys jáshikterin, balalar oıyndary men eresekterdiń demalýyna arnalǵan qural-jabdyqtardy jóndeý, aýla aýmaqtarynda jáne qoǵamdyq oryndarda sport alańdaryn, balalar oıyn alańdaryn ornatý, jóndeý jáne jaryqtandyrý, sanıtarlyq tártipti qamtamasyz etý.
Erejeler týraly tolyǵyraq budget.open-almaty.kz ınternet-portalynan oqyńyz.