Jańa art-keńistiktiń ashylýynda sýretshilerdiń alǵashqy toǵyz kartınasy usynyldy.
Almatyda jas sýretshilerdiń kórmeleri men tusaýkeserleri úshin jańa art-keńistik ashyldy, dep habarlaıdy Almaty-akshamy.kz Egemen.kz silteme jasap.
Osylaısha Efesartspace kompanıasynyń Efes Kazakhstan keńse keńistigi óner salasyndaǵy qyzyqty ıdeıalarǵa qoldaý kórsetip, Qazaqstannyń mádenı murasy men tarıhyn saqtaýdyń mańyzdylyǵyn eske salyp otyrmaq.
Efes Kazakhstan kórmelerge jas qylqalam sheberlerin ǵana emes, daryndy óner qaıratkerlerin shaqyrýdy josparlap otyr.
Shabyt pen jańa múmkindikterge jol ashatyn osy bastamaǵa uıytqy bolyp otyrǵan Anadolu Efes Group áleýmettik salanyń turaqty damý strategıasyn iske asyrý aıasynda 30 jyldan astam ýaqyt boıy búkil álemdegi mádenıet pen ónerge qoldaý kórsetip kele jatqany aıta ketken jón.
Efeskazakhstan kompanıasy Art & creative Solutions qoǵamdyq qorymen birlese otyryp, bul bastamany jalǵastyryp, keskindeme mádenıetin qoldaıtyn jáne múldem jańa art-ekspırıens usynatyn jobany uıymdastyrdy.
«Kórmeden alǵashqylar qatarynda oryn alǵan zamanaýı sýretshiler arasynda Arystan Shalbaev, Alena Welar, Arýjan Jumabek jáne Janel Shahan bar. Bul joba kompanıanyń keńse keńistiginiń biregeıligin qalyptastyrýǵa jáne jaıly jumys atmosferasyn qurýǵa baǵyttalǵan», - deıdi Art&creative Solutions qoǵamdyq qordyń kýratory Olga Veselova.
Jańa alań ashylǵan sátten bastap kompanıa kórmeler ótkizý maqsatynda sýretshilerden ótinimder qabyldaı bastaǵan. Oǵan qosa Efes Kazakhstan kompanıasynyń óner jáne shyǵarmashylyqpen baılanysynyń aıǵaǵy retinde Efes ArtSpace Award syılyǵy taǵaıyndalmaq. Kompanıa sýretshilerdi kórmelerge qatysýǵa shaqyrýa otyryp, bir jyl ishinde týyndylardy kórsetý úshin keńse keńistigin paıdalanýdy josparlap otyr, sodan keıin kásibı qazylar alqasynyń daýys berýi negizinde eń jaqsy kórmege arnaýly syılyq beriledi.