Maska kıip, qoldy antıseptıktermen óńdep júrý kerek.
Astana kúnin merekeleý qarsańynda Sanıtarlyq-epıdemıologıalyq baqylaý komıteti azamattardy saqtyq sharalaryn jaýapkershilikpen oryndaýǵa shaqyrdy, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Mamandar adamdar jappaı jınalǵan oryndarda maska kıip, qoldy antıseptıktermen óńdep, áleýmettik qashyqtyqty saqtaýdy surady.
«Sondaı-aq, ózińizdi jáne jaqyndaryńyzdy indetten qorǵaý maqsatynda árbir qazaqstandyq turǵynnan COVID-19-ǵa qarsy vaksınasıa men revaksınalaýdan ýaqytyly ótýdi suraımyz. Aýrýdyń aldyn alýdaǵy eń tıimdi jol - vaksınalaý. Alaıda belgili ýaqyttan keıin ekpeniń qorǵanys kúshi tómendep, antıdeneler joıyla bastaıdy. Olardyń ınfeksıamen kúresýge jetkilikti deńgeıi saqtalýy úshin alty aıdan keıin revaksınalaýdan ótý asa mańyzdy ekenin taǵy da esterińizge salamyz», - deıdi Sanıtarlyq-epıdemıologıalyq baqylaý komıtetiniń ókili Erjan Baıtanaev.