Onyń jartysynan kóbi baǵdarlamalyq qamtamasyz etýdi ázirleý men qoldanbalardy ornalastyrýǵa baılanysty.
2021 jyly Qazaqstanda IT qyzmetteriniń kólemi 646 mlrd teńgeni qurady, dep habarlaıdy almaty-akshamy.kz inbusiness.kz -ke silteme jasap.
IT qyzmetterin negizgi alýshylar Qazaqstan Respýblıkasynyń rezıdentteri boldy, onyń 575,3 mlrd teńgesi zańdy tulǵalarǵa, 32 mlrd teńgesi jeke tulǵalarǵa kórsetiletin qyzmetterge tıesili. Beırezıdentterge 38,7 mlrd teńgege İT qyzmetter kórsetildi.
Qazaqstandaǵy İT-qyzmet kóleminiń jartysyna jýyǵy Almatyǵa tıesili: 307,5 mlrd teńge.
Sondaı-aq sektordaǵy qyzmetterdiń aıtarlyqtaı kólemi Nur-Sultan (243,7 mlrd teńge), Qaraǵandy (22,9 mlrd teńge) jáne Pavlodar (21,4 mlrd teńge) oblystarynda kórsetilgen.
Kórsetilgen İT-qyzmetterdiń túrleri boıynsha eń kóp kólem baǵdarlamalyq qamtamasyz etýdi ázirleýge (204,8 mlrd teńge), odan keıin qosymshalardy ornalastyrýǵa jáne baılanysty qyzmetke (128,3 mlrd teńge) tıesili.
Sondaı-aq memlekettik elektrondyq aqparattyq resýrstar men júıelerdi qalyptastyrý jáne damytý sheńberinde baǵdarlamalyq qamtamasyz etýdi jasaý (58,6 mlrd teńge), aqparattyq tehnologıalar salasyndaǵy konsýltasıalyq jáne praktıkalyq qyzmetter (49,2 mlrd teńge) bar.
Beırezıdentterge usynylatyn İT-qyzmetterdiń ishinde negizgi kólem AQSH (9,2 mlrd teńge), Reseı (5,7 mlrd teńge), Birikken Arab Ámirlikteri (4,8 mlrd teńge), Sıngapýr (3,7 mlrd teńge) sıaqty elderdiń azamattary men kompanıalaryna tıesili.
Kórshi Qytaı, Qyrǵyzstan jáne Ózbekstan sáıkesinshe 513,6 mln, 408 mln jáne 323,1 mln teńgeni quraǵan.