Bıyl sýarý kezeńinde Qyrǵyzstan Qazaqstanǵa Shý jáne Talas ózenderi arqyly 534,3 mln tekshe metr sý jiberdi.
Atap aıtqanda, Talas ózeni arqyly 394,3 mln tekshe metr sý keldi, bul josparlanǵan kólemnen 14,3 mln tekshe metrge artyq, dep habarlaıdy aqshamnews.kz.
«Sý dıplomatıasy - mınıstrliktiń basym baǵyttarynyń biri. Biz barlyq kórshilerimizben belsendi jumys jasap jatyrmyz. Qyrǵyzstanmen bıyl Shý-Talas sý sharýashylyǵy komısıasynyń eki otyrysy ótti. Sýarý maýsymynda bizdiń tarap Shý ózeni arqyly 180 mln jáne Talas ózenimen 380 mln tekshe metr sý alady dep kelistik. Búgingi tańda úzilissiz sý kelip jatyr, al Talas ózeni arqyly kelisilgen kesteden artyq sý keldi»,– dedi Sý resýrstary jáne ırrıgasıa mınıstri Nurjan Nurjigitov.
Shý ózeni arqyly búginde 140 mln tekshe metr sý aldyq jáne Qazaqstan men Qyrǵyzstannyń sý vedomstvolary bekitken kestege sáıkes kelip jatyr.
Esterińizge sala keteıik, 1 sáýirden beri Ózbekstan Syrdarıa ózeni arqyly elimizge 4 mlrd tekshe metrden astam sý jibergen bolatyn. Al Tájikstan 1 maýsymnan bastap Qazaqstanǵa memleketaralyq «Dostyq» kanaly arqyly 488,6 mln tekshe metr sý jiberdi. Bul ótken jylmen salystyrǵanda 40 mln-ǵa, al bıyl josparlanǵan kólemnen 45 mln tekshe metrge artyq.