Almaty qalalyq PD-da erlik sabaǵyna qalanyń on jalpy bilim beretin mektebiniń “Jas saqshy” polısıa synyptarynyń oqýshylary shaqyryldy.
Kezdesýdiń taqyryby: “Aýǵannyń otty jyldary”. Oǵan sondaı-aq Generaldar Keńesi, Aýǵan soǵysy ardagerleriniń qyzmetin úılestirý Keńesiniń ókilderi, İİO ardagerleri jáne t.b.qatysty, dep habarlaıdy aqshamnews.kz.
– Maqsat – jas býyn polısıa qatysýshylaryn aǵa ardagerlermen tanystyrý, Qazaqstan polısıasynyń ımıjin kóterý, erlik pen batyldyqqa, Otanǵa degen súıispenshilik pen patrıottyq rýhty tárbıeleý. Sonymen qatar, jastar arasynda meıirimdilik pen ózara qoldaý kórsetý mádenıetin, áleýmettik baılanystardy, sondaı-aq aınaladaǵy azamattarǵa qamqorlyq pen kómek kórsetýdi nasıhattaý, - dedi Qazaqstan Respýblıkasy Generaldar Keńesi respýblıkalyq qoǵamdyq birlestiginiń tóraǵasy Beksultan Sársekov.
Erlik sabaǵynda ardagerler oqýshylarǵa meıirimdilik pen janashyrlyqtyń, ıgi ister jasaýdyń, bir-birine kómektesýdiń mańyzdylyǵyn aıtyp berdi. Qatysýshylar janqıarlyq eńbek kórsetken ardagerlerdiń estelikterin zor yqylaspen tyńdady. Shara barysynda mektep ishinde quqyq buzýshylyqtyń aldyn alýǵa baǵyttalǵan is-sharalarǵa belsene qatysyp, polısıaǵa kómek kórsetken “Jas saqshy” vzvodynyń komandırleri alǵys hattarmen marapattaldy.