Búgin Almaty qalasynda «AMANAT» partıasynyń qoǵamdyq qabyldaý bólmeleri arasynda úzdikterdi anyqtaý maqsatynda uıymdastyrylǵan «Úzdik qoǵamdyq qabyldaý bólmesi» aımaqtyq baıqaýy ótti.
Bul baıqaý partıanyń qoǵamdyq qabyldaý bólmeleriniń jumys sapasyn arttyrý, halyqpen tıimdi baılanys ornatý, qyzmetkerlerdiń kásibı biliktiligin jetildirý jáne olardyń belsendiligin yntalandyrý maqsatynda uıymdastyryldy.
Konkýrsqa Almaty qalasyndaǵy barlyq aýdandyq fılıaldar qatysyp, ózderiniń atqarǵan jumystaryn usyndy. Árbir qoǵamdyq qabyldaý bólmesiniń qyzmeti jan-jaqty baǵalanyp, olardyń turǵyndarmen jumys júrgizý sapasy, azamattardyń ótinishterin qarastyrý tıimdiligi, problemalardy sheshý jolyndaǵy nátıjeliligi eskerildi.
Baıqaý barysynda arnaıy komısıa usynylǵan jumystardy saralap, úzdikterdi anyqtady. Nátıjesinde, Alataý aýdandyq fılıalynyń qoǵamdyq qabyldaý bólmesi úzdik dep tanylyp, birinshi oryndy ıelendi. Bul fılıal óz qyzmetinde azamattardyń ótinishterine jedel jaýap berýimen, tıimdi sheshim qabyldaýymen jáne turǵyndardyń áleýmettik máselelerin sheshýge belsendi atsalysýymen erekshelendi. Osy jeńisiniń arqasynda Alataý aýdandyq fılıaly respýblıkalyq deńgeıde ótetin baıqaýǵa joldama aldy.
Baıqaý qorytyndysy boıynsha júldeli oryndarǵa ıe bolǵandar:
• Naýryzbaı aýdandyq fılıaly – ekinshi oryn
• Bostandyq aýdandyq fılıaly – úshinshi oryn
• Medeý aýdandyq fılıaly – úlgili jumysy úshin yntalandyrý marapatyna ıe boldy
Jeńimpazdar arnaıy marapattalyp, olardyń eńbegi laıyqty baǵalandy. Baıqaý barysynda qatysýshylar halyqpen jumys isteýdegi tájirıbelerimen bólisip, ózara pikir almasý múmkindigine ıe boldy.
«AMANAT» partıasynyń qoǵamdyq qabyldaý bólmeleri azamattardyń muń-muqtajyn tyńdap, olardyń máselelerin sheshýge yqpal etetin mańyzdy alań bolyp tabylady. Bul baıqaý qoǵamdyq qabyldaý bólmeleriniń qyzmetin odan ári jetildirýge, olardyń jumys sapasyn arttyrýǵa jáne halyqpen tyǵyz qarym-qatynas ornatýǵa serpin bermek.