Almaty Ustazy baıqaýy ekinshi jyl qatarynan ótkizilip keledi. Birinshi kezeńge qatysýǵa ótinimdi osy jyldyń 14 sáýirine deıin berýge bolady. Baıqaý týraly Óńirlik komýnıkasıalar qyzmetiniń brıfıńinde Almaty qalasy Bilim basqarmasynyń Bilim berýdegi jańa tehnologıalar ǵylymı-ádistemelik ortalyǵynyń ókilderi habarlady -dep habarlaıdy Almaty-akshamy.kz.
Baıqaý Almatynyń memlekettik mektepterinde 36 jasqa deıingi negizgi pánderdi oqytatyn 1-11 synyp muǵalimderi arasynda ótkiziledi.
«Baıqaýdyń maqsaty - pedagogtardyń talanty men shyǵarmashylyq áleýetin anyqtaý, ozyq pedagogıkalyq tájirıbeni taratý jáne pedagog mártebesin arttyrý», - dedi ǵylymı-ádistemelik ortalyq dırektorynyń orynbasary Nazgúl Bıbolova.
Sondaı-aq, spıkerdiń aıtýynsha, baıqaý úsh kezeńde ótedi:
- Birinshi kezeń - «meniń bilim fılosofıam» taqyrybynda mýltımedıalyq maqala ázirleý.
- Ekinshi kezeń – «Muǵalim-kásipqoı» konkýrstyq sabaǵyn ótkizý.
- Úshinshi kezeń - «Men – muǵalim-kóshbasshymyn» taqyrybynda avtorlyq sheberlik sabaqtaryn ótkizý (óz pedagogıkalyq tájirıbem men sheberligimniń tusaýkeseri).
Baıqaý jeńimpazdary 5 mln teńge alady. Sonymen qatar, bes fınalıst Helsınkıde taǵylymdamadan ótý múmkindigine ıe bolady.
«Bilim berý salasyn damytýdyń belgisi jahandyq sıfrlandyrý deńgeıi bolyp tabylady. Osy konkýrsty uıymdastyra otyryp, biz pedagogtarymyzdyń aqparattyq quzyrettiligin damytý jáne qalyptastyrý dárejesine úlken mán beremiz»,-dep atap ótti óz kezeginde ǵylymı-ádistemelik jáne ınovasıalyq jumys bóliminiń basshysy Ákimjan Saılybaev.
Ótken jyly baıqaýǵa Almatynyń 3000-nan astam jas pedagogy ótinim berdi. Qazirgi ýaqytta bir jarym myńnan astam adam tirkeýden ótti. Uıymdastyrýshylar Jyl saıyn qatysýshylar sany artady dep úmittenedi.
Baıqaýǵa qatysqysy keletinder platforma arqyly tirkelýi kerek. https://almatyustazy-2023.kz/. ótinim 14 sáýirge deıin toltyrylýy kerek. Birinshi týrdyń nátıjeleri 26 sáýirde shyǵarylady.
Qatysýshylarǵa qatysty barlyq suraqtar arnaıy Telegram-arnada qoıylýy múmkin.
https://t.me/almaty_ustazy_support