Almatydaǵy "164 bóbekjaı-balabaqshada" balalardyń durys tamaqtanbaıtyny týraly buryn habarlaǵanbyz.
Áleýmettik jelide taraǵan beınejazba negizinde Almaty qalasy bilim basqarmasy qurǵan arnaıy komısıa 164 bóbekjaı-balabaqshasyna tekserý júrgizip, birneshe mamandy jumystan shyǵardy, dep habarlaıdy Almaty-akshamy.kz qalalyq bilim basqarmasynyń baspasóz qyzmetine silteme jasap.
"Monıtorıń barysynda anyqtalǵan zańbuzýshylyqtar boıynsha, sondaı-aq qyzmettik mindetterine josyqsyz qaraǵany úshin balabaqsha meńgerýshisi, medbıke jáne ádiskeri qyzmetinen bosatyldy. Sonymen qatar, top tárbıeshisi, qoımashy jáne aspazshyǵa tártiptik jaza qoldanyldy", - dep málimdedi qalalyq bilim basqarmasynyń baspasóz qyzmeti.
Qaladaǵy mektepke deıingi uıymdardyń jumysyna baqylaýdy álsiretkeni úshin Alataý aýdandyq bilim bóliminiń bas mamany men Almaty qalasy bilim basqarmasynyń mektepke deıingi tárbıe men oqytý bóliminiń basshysyna tártiptik jaza qoldanyldy.