Almaty qalasyndaǵy №118 mektep-gımnazıasynda Ulttyq ulannyń taǵy da bir «Jas búrkit» áskerı-patrıottyq synyby ashyldy. İs-shara barysynda polkovnık Maqsat Baı̆maǵulov basshylyq etetin Baýyrjan Momyshuly atyndaǵy 5571 áskerı bólimi men mektep-gımnazıa arasynda yntymaqtastyq ornatý týraly memorandýmǵa qol qoı̆yldy. Atalǵan is-shara Uly Otan soǵysyndaǵy Jeńistiń 80 jyldyǵy qarsańynda ótkizilip jatqan «Jeńiske 100 kún qalǵanda» aksıasy aıasynda uı̆ymdastyryldy, dep habarlaıdy aqshamnews.kz
№118 mektep-gımnazıasynyń oqýshylary alǵash ret «Jas búrkit» áskerı-patrıottyq qozǵalysyna múshe boldy. Múshelikke 3 «Z» synybynyń 36 oqýshysy tolyq ótti. Olar «Jas búrkit» antyn qabyldady.
5571 áskerı bóliminiń ókilderi jańa qurylǵan «Jas búrkit» synybyna «Jas búrkit» áskerı-patrıottyq qozǵalysynyń týyn, arnaı̆y emblemasy, bereti men bandanyn tabystady. Sondaı̆-aq, bólimniń áskerı orkestri men mektep oqýshylary birlesip konserttik baǵdarlama usyndy.
2023 jyly ótken Búkilarmıalyq Keńeste Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev óskeleń urpaqtyń áskerı-patrıottyq rýhyn kóterýge basa mán berý qajettigin jáne batyrlarymyzdyń erligin únemi dáriptep otyrý kerektigin atap ótken edi.
Aı̆ta ketsek, Ulttyq ulannyń «Jas búrkit» áskerı-patrıottyq qozǵalysy 2003 jyly Shymkentte qurylǵan. Búginde elimizdiń barlyq qalasynda bar.