Jarys ótetin kúni qalanyń avtojoldary jabylady.
2021 jyldyń 20 maýsymynda sportsúıer qaýym úshin Almatyda úlken júgirý jarysy — Almaty jartylaı marafony ótedi, dep habarlaıdy Almaty-akshamy.kz.
Qatysýshylar qalanyń basty kóshelerimen júgirip ótedi. Marafon ál-Farabı dańǵylyndaǵ Tuńǵysh Prezıdent saıabaǵynyń janynda bastalyp, Abaı dańǵylyndaǵy ortalyq stadıonda márege jetedi.
Qatysýshylar myna qashyqtyqtardyń birine júgire alady:
- Jartylaı marafon 21,1 km,
- Júgirý 10 km,
- Skandınavıalyq júris 10 km,
- Ekıden komandalyq estafetasy — 21,1 km jalpy qashyqtyq 4 qatysýshy arasynda bólinedi.
«Biz is-sharany ótkizýge resmı ruqsat aldyq. Meniń oıymsha, bul tek bizdiń qor úshin ǵana emes, elimizdiń júgirýshiler qoǵamdastyǵy úshin úlken jeńis. Biz qalada júgiristerdi uzaq ýaqyt boıy ótkize almadyq. Ótken jyly Almaty jartylaı marafony onlaın rejıminde ótti, onyń ústine jaqynda «Almaty marafonyn» kúzge aýystyrýǵa týra keldi, sebebi oǵan 17 myń adam qatysýy kerek edi. Alaıda, jartylaı marafon úlken buqaralyq oqıǵa bolmaǵandyqtan, qazir ótkizemiz dep sheshtik. Sonymen qatar karantın kezinde starttardy ótkizý boıynsha tájirıbemiz bar jáne uıymdastyrý kezinde qandaı nárselerge nazar aýdarý kerektigin, sportshylardyń qaýipsizdigin qalaı qamtamasyz etýdi bilemiz", — deıdi «Birinshi bolý - batyldyq» korporatıvtik qorynyń dırektory Saltanat Qazybaeva.