Memleket basshysyna mūnaı kompanıyasynyń Qazaqstandaǵy qazírgí júrgízíp jatqan jūmystary men elímízdíń kómírsutegí sektorynda júzege asyrylyp jatqan bírqatar bírlesken jobalardyń perspektıvasy turaly esep beríldí.
Memleket basshysy Qasym-Jomart Toqaev «LUKOIL» mūnaı kompanıyasynyń prezıdentí Vagıt Alekperovtí qabyldady, dep habarlaıdy Almaty-akshamy.kz Akorda.kz saıtyna sílteme jasap.
Prezıdentke kompanıyanyń Kaspıı teńízí qaırańyndaǵy «Jeńís» jáne «Ál-Farabı» mūnaı jobalaryndaǵy geologıyalyq barlau jūmystarynyń barysy turaly aıtyldy. Būdan bólek, Qasym-Jomart Toqaevqa byltyr Almaty oblysynda íske qosylǵan «LUKOIL» zauytynyń jūmysy turaly bayandaldy. Kompanıya basshysynyń aıtuynsha, búgínde zauyt ártúrlí jaǵarmaı materıaldarynyń 800-ge juyq túrín óndíríp, óńírdegí elderge eksporttaıdy.
Sonymen qatar Vagıt Alekperov Memleket basshysyna álemdík mūnaı naryǵynyń qazírgí jaǵdaıy men baǵa belgíleudíń perspektıvasyna qatysty «LUKOIL» kompanıyasynyń ūstanymy turaly aıtty.
Qasym-Jomart Toqaev reseılík kompanıyanyń áleumettík mańyzy bar jobalardy íske asyruǵa atsalysyp otyrǵanyn erekshe atap ótíp, onyń Qazaqstan mūnaı-gaz sektoryn damytuǵa qosqan úlesín joǵary baǵalady.