Almaty qalasynyń Kásipkerlik jáne ınvestısıalar basqarmasyna qarasty SHJQ «Almaty veterınarlyq qyzmet» KMK ıesiz jáne buralqy janýarlarǵa jedel veterınarlyq kómek kórsetý qyzmetiniń iske qosylǵanyn habarlady.
Jańa qyzmettiń negizgi maqsaty – shuǵyl veterınarlyq kómekti qajet etetin tótenshe jaǵdaılarǵa jedel áreket etý jáne zardap shekken janýarlardy veterınarlyq klınıkalarǵa tasymaldaý, dep habarlaıdy aqshamnews.kz.
Qyzmettiń úzdiksiz jumysyn qamtamasyz etý úshin barlyq qajetti jabdyqpen jaraqtalǵan eki arnaýly brıgada quryldy. Jedel veterınarlyq kómekti qajet etetin negizgi jaǵdaılar mynalar:
• JKO nemese qulaý saldarynan bolǵan aýyr jaraqattar;
• Ýlaný;
• Asqynýlar men ınfeksıalarǵa ákelýi múmkin jaraqattar men shaǵýlar;
• Jedel aýrýlar, onyń ishinde kollaps, júrek-qan tamyrlary jetispeýshiligi, tynys alý buzylystary.
Veterınarlyq kómek qaraýsyz qalǵan ıesiz jáne buralqy janýarlarǵa kórsetiledi. Janýarlardy tasymaldaý úshin qajetti quraldarmen jabdyqtalǵan eki arnaıy júk kóligi paıdalanylady. Olar usaq janýarlarǵa arnalǵan torlarmen, zembildermen, alǵashqy medısınalyq dári-dármektermen, tańý materıaldarymen jáne dıagnostıkalyq quraldarmen jabdyqtalǵan.
Jedel veterınarlyq kómek qyzmetiniń baılanys nómirleri: 8 708 595 64 04, 338 27 59, Almaty qalasynyń Biryńǵaı qyzmeti – 109.