Granttar berýdiń barlyq prosesi elektrondyq formatqa aýystyrylǵan.
Osy jylǵy 1 qazandaǵy jaǵdaı boıynsha, Kásipkerlikti damytý jónindegi 2021-2025 jyldarǵa arnalǵan ulttyq joba sheńberinde óz isin ashýǵa 400 AEK-ke deıingi mólsherdegi granttardy 12,1 myń adam aldy, onyń 7,9 myńy (65,3%) - aýyldyq jerlerdiń turǵyndary, dep habarlady Almaty-akshamy.kz Eńbekmıni baspasóz qyzmetine silteme jasap.
Bıznesti ashýǵa memleketten qarjylyq qoldaý bólingen azamattar grant alǵan kúnnen bastap úsh aı ishinde óz qyzmetin qoldanystaǵy zańnamaǵa sáıkes salyq organdarynda tirkeýge mindetti. Búgingi tańda kásipkerlik qyzmetti 7 133 adam tirkedi.
Memlekettik grant alýshylar qatarynda jastar arasynan 5 865 adam, kóp balaly otbasylardan 3 580 adam, 1 061 múgedektigi bar adam, 760 múgedektigi bar bala tárbıelep otyrǵan adam, tabysy az otbasylardan 453 adam, 119 ishki qonys aýdarýshylar, 97 asyraýshysynan aıyrylý jaǵdaıy boıynsha áleýmettik járdemaqy alýshylar jáne 15 qandas bar.
Granttar qajetti qural-jabdyqtar men tehnologıalyq jabdyqtardy satyp alýǵa, janýarlardy ósirýge jáne ósimdikterdi ósirýge, sondaı-aq úı-jaılardy jalǵa alýǵa berildi.
2022 jyly halyqtyń áleýmettik osal sanattaryna jatatyn jastar men azamattar úshin 20 myń grant berý josparlanýda. Áleýetti alýshylardy irikteý 5-shi lekte júrgiziletin bolady, bul rette 4-shi lek sheńberinde kandıdattardan ótinimderdi qabyldaý 30 qyrkúıekte aıaqtalatynyn isterińizge sala keteıik.
Grant alýǵa ótinishterdi qabyldaý týraly habarlandyrý ol bastalǵanǵa deıin kúntizbelik 10 kún buryn QR Eńbek jáne halyqty áleýmettik qorǵaý mınıstrliginiń, jergilikti atqarýshy jumyspen qamtý organdarynyń jáne qalalar men aýdandardyń halyqty jumyspen qamtý ortalyqtarynyń ınternet-resýrstarynda jarıalanady.
Granttar berýdiń barlyq prosesi elektrondyq formatqa aýystyryldy, memleketten óz isin ashýǵa qarjylyq qoldaý alýǵa ótinimderdi qabyldaý biryńǵaı tereze – Business.enbek.kz portaly arqyly júzege asyrylady.