Almaty Gallery kelýshileri National Geographic-tiń jańa fotokórmesinde jan-janýarlardyń erekshe qyzyqty sátterine kýá bola alady, dep habarlaıdy aqshamnews.kz.
Kórmede National Geographic jýrnalynyń betterinen tańdap alynǵan haıýanattar áleminiń eń úzdik sýretteri usynylǵan. Tabıǵat sýretteriniń maıtalman redaktory Ketı Morannyń jetekshiligimen ázirlengen bul kórme National Geographic-tiń Maıkl «Nık» Nıkols, Stıv Ýınter, Pol Nıklen, Beverlı Jýber, Devıd Dýbıle jáne basqa da eń tanymal fotograftardyń túsirgen sýretterinen quralǵan tumsa tabıǵatqa degen aıryqsha kózqaras ispetti.
Bul sýretter fotografıanyń damý evolúsıasyn kórsete otyryp, fototuzaq, qashyqtan túsirý jáne sýasty tehnologıasy syndy ınovasıalar qalaı fotograftarǵa tumsa tabıǵattaǵy tirshilik ortasyna jol ashqanyn kórsetedi. «Janýarlar áleminiń ǵajaıyp sýretteri» fotokórmesi Almaty Gallery-de qazannyń 13-ine deıin ashyq bolady.
National Geographic 115 jyl boıynda tumsa tabıǵatty fototaspalaý óneriniń izashary hám nasıhatshysy bola otyryp, janýarlardyń tabıǵatta túsirilgen erekshe sýretteri arqyly aýdıtorıanyń talaı býynyn baýrady. Soltústik buǵysynyń mynadaı beınesi alǵash ret jaryq kórgen 1903 jyldan beri jańa kókjıekterdi ashqan National Geographic Society jarıalanymdary kórkemónerdiń, ǵylymı jáne tehnıkalyq jetistikterdiń teńdessiz týyndylaryn jasaı otyryp, maqsat mejesin udaıy bıiktetip keledi. Bular – tumsa tabıǵatta túsirilgen ǵajaıyp sýretter.
Fotokórmeni tamashalaǵysy kelgender Almaty qalasyndaǵy Almaty Gallery-ge baryp kóre alady.
National Geographic Society týraly
National Geographic qoǵamy – ǵylymnyń, zertteýlerdiń, bilim men oqıǵalardy baıandaý kúshin bizdiń álemniń ǵajaıyptaryn jazyp kórsetý jáne qorǵaý úshin qoldanatyn jahandyq komersıalyq emes uıym. National Geographic 1888 jyldan bastap batyl adamdar men jasampaz ıdeıalarǵa ınvestısıalap, barlyq jeti qurlyqta jumys isteý úshin 15 000-nan astam grant berý arqyly zertteýler shekarasyn keńeıtip keledi. Bilim berý bastamalary arqyly jyl saıyn 3 mıllıon stýdentti qamtyp, ózindik tájrıbe, áńgime jáne mazmun arqyly dúnıejúzilik aýdıorıanyń nazaryn aýdarady. Qosymsha aqparat alý úshin www.nationalgeographic.org saıtyna kirińiz nemese Instagram, Twitter jáne Facebook jelilerinde bizge jazylyńyz.