Aǵymdaǵy jyly ınvestısıalyq jobalardy prokýrorlyq qoldaý sheńberinde ekonomıkaǵa salynǵan salymdar somasy 9 trln teńgeden asatyn 411 keısttiń problemalary sheshildi.
Osy jumys barysynda 166 qadaǵalaý aktisi engizildi, sottyń 4 sheshimi jáne memlekettik organdardyń 52 aktisi toqtatylyp, 106 laýazymdy tulǵa jaýapqa tartyldy.
Mysaly, qaryz qarajatyn paıdalana otyryp, vagondar parkin jańǵyrtqan 3 kompanıa ishki memlekettik aýdıt komıtetiniń 1,7 mlrd teńgege sýbsıdıalardy qaıtarý týraly talaptaryna tap boldy.
Ýákiletti organ tasymaldaýshylarmen nesıe mólsherlemelerin sýbsıdıalaý boıynsha artyq syıaqy alǵany eseptelip, Kólik komıtetiniń sotqa shaǵymdarmen júginýine negiz boldy.
Astananyń sottary Komıtettiń talaptaryn qoldady.
Degenmen, qadaǵalaýshy organ tasymaldaýshylar tarapynan buzýshylyqtardy baıqamaı, sýbsıdıalar bekitilgen búdjettik ótinimder sheginde aýdarylǵanyn, al tasymaldaýshylardyń naqty shyǵyndary olardan edáýir asyp túskeni anyqtaldy.
Sondaı-aq, Komıtet qaıtarylýǵa jatatyn somany esepteý kezinde áleýmettik mańyzy bar qatynastar boıynsha jolaýshylardy tasymaldaýdy júzege asyratyn tasymaldaýshylardyń shyǵystaryn uzaq merzimdi sýbsıdıalaý kólemin aıqyndaý jónindegi ádistemeni qoldanbaǵan.
Nátıjesinde, Bas prokýratýranyń narazylyǵyqtary boıynsha Joǵarǵy Sot sot aktileriniń kúshin joıyp, Kólik komıtetiniń talaptaryn qanaǵattandyrýdan bas tartty.
Osylaısha, tasymaldaýshylardan 1,7 mlrd teńgeni negizsiz óndirip alýǵa jol berilmedi, bul áleýmettik mańyzy bar jolaýshylar tasymaldaryna tarıfterdiń ulǵaıýyn boldyrmaýǵa múmkindik berdi.
Esterińizge sala keteıik, eger siz ınvestor bolsańyz jáne jobany iske asyrýda qıyndyqtar týyndasa, onda siz Bas prokýratýranyń kásipkerler men ınvestorlardyń quqyqtaryn qorǵaý jónindegi Call-ortalyǵyna (tel. (7172) 30-17-93, +7-702-629-75-61) quqyqtyq kómek pen keńes alý úshin júgine alasyz.