Saǵat 21:00-degi jaǵdaı boıynsha Almatynyń taýly jáne taý bókterindegi aımaqtarynda 34 mm jaýyn-shashyn tústi, al tamyzda ortasha jyldyq jaýyn-shashyn mólsheri 34 mm bolatyn.
Nóser jańbyrdyń saldaryn joıýǵa 1008 jol jumysshysy men 640 birlik tehnıka jumyldyryldy. Sonymen qatar, merdigerler men vedimistik baǵynystaǵy uıymdardyń 52 mobıldi brıgadasy jańbyr sýyn qabyldaıtyn jerlerin qoqystan tazartyp, jáne de nóserli káriz jáne drenajdyq sýlardy qabyldaıtyn sorǵy stansıalarynyń jumysyn qamtamasyz etýde. Jańbyr kezinde 8 aǵash qulap, qulaǵan jerdi tazalaý jumystary júrgizildi. Oqys oqıǵadan eshkim zardap shekken joq.
Qazirgi ýaqytta negizgi sý basý ýchaskeleri joıylyp, aryq júıelerinen qoqystardy shyǵarý jumystary júrgizilýde. Onda túngi kezekshilik qoıyldy. «Qazgıdromet» RMK boljamyna sáıkes, aldaǵy úsh kúnde arasynda úzilisi bar jaýyn-shashyn mol bolady.
2023-2024 jyldary 276 shaqyrym aryq jelisin jóndeý jumystary júrgizilip, 100 shaqyrym jańa aryq jelisi salynatynyn eske salaıyq.