Almaty taýlarynda sel qaýpi joǵary dep jarıalandy. Osyǵan baılanysty tótenshe jaǵdaılar departamenti turǵyndarǵa taýǵa shyqpaý kerektigin eskertedi.
«Qurmetti týrıser, Almaty qalasynyń turǵyndary men qonaqtary! Sý tasqynynda qalyp qoısańyzdar, qutqarýǵa múmkindik bolmaýy múmkin. Osyǵan oraı İle Alataýyna barmaǵanyńyz jón», - dep eskertti departament ókilderi.
Sel qaýpi bar jerde ne isteý kerek:
- taýdaǵy jaǵdaı týraly buqaralyq aqparat quraldarynyń habarlaryn únemi qadaǵalap otyrý;
- eger qaýip tónse, nemese kenetten sel bolsa, releftiń eń bıik núktesine kóterilińiz;
- sel qaýpi bar kanaldardyń janynda, kópirlerde (bógetterde) jáne olardyń astynda shatyr tikpeý, aıaldamaý.
«Qazgıdromet» taratqan eskertý negizinde Almatynyń taýly aýdandarynda jáne onyń irgeles aýmaqtarynda jaýyn-shashynnyń jalǵasýyna baılanysty 12-13 tamyz kúnderi ózenderdegi sý deńgeıi kóteriledi. Kishi Almaty ózenderi alabynda sel júrýi múmkin»,- dep habarlady vedomstvodan.
Búgin Almatyda qatty nóser jaýdy. Jańbyr sýy qala kóshelerin alyp ketti.
12-13 tamyz Kishi Almaty ózenderi alabynda qatty jaýyn-shashynnyń túsýine baılanysty sel qalyptasý qaýpi bar.
2023 jylǵy 12-13 tamyzda Almaty oblysynda, Almaty q. jáne oǵan irgeles aýmaqtarda jaýǵan jáne jalǵasyp jatqan nóser jańbyrǵa baılanysty betkeılerde aǵyndy sýlardyń paıda bolýy jáne ózenderde sý deńgeıiniń kóterilýi, arnasynan tasýy jáne sý basýy kútilýi múmkin.