Jańa velosıped jolaǵy Manas kóshesiniń batys jaǵynan Sátbaev kóshesinen Abaı dańǵylyna deıin jasalǵan. Sondaı-aq, Manas kóshesi boıymen Shevchenko kóshesinen Abaı dańǵylyna deıin eni 3 metr jáne uzyndyǵy 400 metrge jýyq velosıped joly salyndy, kóshe boıynda turaq oryndary uıymdastyryldy, dep habarlaıdy almaty-akshamy.kz
Osylaısha, Shevchenko men Sátbaev kóshelerinde ornalasqan velosıped jolaqtary ózara baılanysty.
Jańa velosıped jolaqtaryn jaılastyrý velosıpedshilerdiń oqshaýlanǵan velosıped jolaqtarymen qaýipsiz ótýin qamtamasyz etýge jáne jol qozǵalysynda keleńsiz jaǵdaılardy boldyrmaýǵa múmkindik beredi.
Sondaı-aq, 2023 jyldyń sońyna deıin atalǵan jol ýchaskesinde qosymsha jol belgileri ornatylady.
Jalpy, aǵymdaǵy jyly qala boıynsha 3 km velo ınfraqurylym jabdyqtalǵan. Bul baǵyttaǵy jumystar Almatynyń damý jospary aıasynda Almaty ákimi Erbolat Dosaevtyń tapsyrmasy boıynsha jalǵasatyn bolady.