Almaty qalasy Ádilet departamentiniń ókilderi Óńirlik komýnıkasıalar qyzmetiniń brıfıńinde habarlaǵandaı, 2023 jyly memlekettik organ 34 ákimshilik is qozǵady, 15 mln teńgeden astam somaǵa kontrafaktilik ónim anyqtaldy, dep habarlaıdy almaty-akshamy.kz.
Kontrafaktilik ónimderge qatysty negizgi buzýshylyqtar Chanell, Toyota/Lexus, Apple, Iphone, ZEPTER, Levi's, Louis Vuitton, SKF, LEGO jáne PUMA sıaqty tanymal saýda belgilerimen baılanysty.
«Jalpy bıyl Departament 34 ákimshilik is qozǵady. Zańsyz aınalymnan jalpy somasy 15 mln. 243 myń 971 teńgeni quraıtyn 16 107 kontrafaktilik ónim alyndy." Taýar tańbalary men uqsas belgilerdi zańsyz paıdalaný boıynsha, onyń ishinde 28 quqyqbuzýshy ákimshilik jaýapkershilikke tartyldy», - dedi Almaty qalasy Ádilet departamentiniń zıatkerlik menshik quqyǵy bóliminiń basshysy Erkebulan Jetpisbaev.
Ádilet organdarynyń ókilderi bireýdiń taýar belgisin zańsyz paıdalanǵany úshin jaýapkershilik qarastyrylǵanyn eske saldy. Sonymen, zań buzýshylarǵa aıyppuldar men taýarlardy tárkileý qaýpi tónip tur. Tárkilengen kontrafaktilik taýarlar, zańnamaǵa sáıkes joıylýy tıis.
E.Jetpisbaev óz sózinde atap ótkendeı, Departamentte halyq, kásipkerler jáne quqyq ıeleri arasynda aqparattyq quqyqtyq túsindirý is-sharalary ótkiziledi. Osy jyldyń basynan beri 400-den astam osyndaı is-sharalar ótkizildi.
Quqyqtary men múddeleri buzylǵan jaǵdaıda turǵyndarǵa ákimshilik jaýapkershilik sharalaryn qoldaný úshin ádilet organdaryna júginý qajettigi aıtyldy.