Oblysta koronavırýs ınfeksıasy boıynsha epıdemıologıalyq ahýal nasharlaı túsýde, óńir «qyzyl» aımaqta tur.
Bul aqparatty taratqan oblystyń sanıtarlyq-epıdemıologıalyq baqylaý departametiniń málimetinshe, koronavırýstyń ósý qarqyny sońǵy eki aptada 0,4%-dan 0,6%-ǵa artty, dep habarlaıdy Almaty-akshamy.kz
Epıdemıologıalyq matrısanyń baǵalaýy boıynsha, Eskeldi men Talǵar aýdany, Tekeli men Taldyqorǵan qalasy «qyzyl» aımaqta, İle, Qaratal aýdandary «sary» aımaqta, qalǵan qalalar men aýdandar «jasyl» aımaqta tur.
2020 jyldyń naýryz aıynan beri KVI-diń 29 872 laboratorıalyq rastalǵan jaǵdaıy tirkeldi. Olardyń 19 167-si - sımptommen. Negizinen, KVI jáne «delta» vaksınalanbaǵan turǵyndar arasynda tirkelgen, bul vaksınasıanyń tıimdiligi joǵary ekenin kórsetedi. Búgingi tańda birinshi komponentpen 513 109 adam egildi, ekinshi komponent 291 549 adamǵa salyndy. Vaksınalanǵandar sany boıynsha pedagogtar (37 594) jáne medısına qyzmetkerleri (23 167) kósh bastap tur.