«Medeý» bıik taýly muz aıdynynda jańa maýsymnyń ashylýy 15 qarashada ótedi
Almaty qalasynyń turǵyndary men qonaqtary úshin Medeý bıik taýly muz aıdynynda jappaı syrǵanaý 15 qarashada saǵat 10:00-den bastap qoljetimdi, al maýsymnyń saltanatty ashylý rásimi saǵat 13:30-da ótedi, dep habarlaıdy almaty-akshamy.kz
Muz aıdynynyń ashylý baǵdarlamasynda kónkı tebýshilerdiń muzdaǵy perfomanstary, júldeler utys oıyny, fleshmob, ártisterdiń qoıylymdary, sondaı-aq keshenniń eń belsendi qonaqtaryna arnalǵan syılyqtar bar.
Qazirgi ýaqytta nysanda daıyndyq jumystary aıaqtaldy, muz jasaý prosesi belsendi júrgizilýde.
Medeý - Almaty qalasynyń mańyna ornalasqan, teńiz deńgeıinen 1691 metr bıiktikte ári elimizdiń eń basty muz aıdyny bolyp tabylady.
Seanstardyń kestesimen jáne olardyń baǵasymen «Medeý» muz aıdynynyń https://medeu.kz/.resmı saıtynda tanysýǵa bolady. Bıletterdi «Medeý» muz aıdynynyń saıtynda, keshenniń kasasynda, sondaı-aq kaspi.kz jáne Halyk Bank mobıldi qosymshalardan onlaın satyp alýǵa bolady.