Sınoptıkterdiń aıtýynsha, mundaı jyly jeltoqsan osydan 10 jyl buryn – 2011 jyly bolǵan, dep habarlaıdy Almaty-akshamy.kz
«Qazgıdromet» RMK málimetinshe, 26 jeltoqsan kúni qalaǵa qar aralas jańbyr jaýady. «31 jeltoqsanda Almatyda kóshpeli bult shyǵady, jaýyn-shashyn jaýmaıdy. Jel ekpini 5 m/s deıin kúsheıedi. Aýa temperatýrasy túnde 0-den 5 gradýs aıaz, kúndiz 5 gradýs jyly bolady», - dep habarlady meteorologtar.
«Almatyda jeltoqsan aıyndaǵy jaýyn-shashyn normasy - 42 mm. Qazir qalada aýa temperatýrasy -5-10 gradýs aıaz. Kúndizgi temperatýra 0-den 5 gradýsqa deıin jyly», - dep qosty Qazgıdrometten.
Mamandardyń boljamynsha, jaǵdaı kelesi jyldyń qańtarynda ózgeredi, normadan artyq jaýyn-shashyn bolýy múmkin.
«Qańtarda jaýyn-shashyn mólsheri qalypty deńgeıde - 33 mm bolady dep boljanyp otyr. Jańa jyldyń birinshi aıynda qar jaýyp, tuman túsip, kóktaıǵaq bolady», - dep atap ótti sınpotıkter.