Jandarbek Bekshın Almatynyń bas sanıtar dárigeri laýazymynan bosatyldy
Bul aqparatty QR Densaýlyq saqtaý mınıstrligi rastady, dep habarlaıdy Almaty-akshamy.kz
Almaty qalasynyń bas sanıtar dárigeri jáne QR DSM KSK Almaty qalalyq sanıtarlyq-epıdemıologıalyq baqylaý departamentiniń basshysy Jandarbek Bekshın zeınetke shyǵýyna baılanysty 5 qańtardan bastap qyzmetinen ketedi. Eske salaıyq, Jandarbek Bekshın Almatynyń bas sanıtar dárigeri qyzmetine 2020 jyldyń sáýir aıynda taǵaıyndaldy.
2019 jyldyń maýsym aıynan beri Densaýlyq saqtaý mınıstrliginiń taýarlar men kórsetiletin qyzmetterdiń sapasy jáne qaýipsizdigin baqylaý komıteti tóraǵasynyń orynbasary - bas memlekettik sanıtar dáriger qyzmetin atqarǵan.
Buǵan deıin Jandarbek Bekshın Qazaqstan Respýblıkasynyń bas memlekettik sanıtar dárigeri qyzmetinde bolyp, laýazymynan bosatylǵan edi.
Jandarbek Bekshın 1958 jyly Qostanaı oblysynda dúnıege kelgen. Almaty qalalyq sanıtarlyq-epıdemıologıalyq baqylaý departamentiniń habarlaýynsha, 27 jeltoqsannan 4 qańtarǵa deıin Jandarbek Bekshın eńbek demalysyna shyǵady.
Onyń qyzmetin ýaqytsha Qarlyǵash Ábdijabbarova atqarady.