Qar, kóktaıǵaq, burqasyn bolady.
«Qazgıdromet» mamandary 5-7 qańtar kúnderi aýa raıy qandaı bolatynyn boljady, dep habarlaıdy Almaty-akshamy.kz
Aldaǵy kúnderi Qazaqstannyń aýa raıyn kezekti atlantıkalyq sıklon aıqyndaıdy. Respýblıkanyń barlyq aýmaǵynda jaýyn-shashyn, qar, kóktaıǵaq, burqasyn kútiledi.
«Soltústik óńirlerde aýa temperatýrasy túnde 5-15 aıazdan 15-25 aıazǵa deıin, kúndiz 10-20 aıazdan 2-10 aıazǵa deıin aýytqıdy. Batysta temperatýranyń negizgi fony túnde 0-10 aıaz, kúndiz 5 jyly 5 aıazdan 0-11 aıazǵa deıin tómendeıdi. Ortalyq jáne shyǵysta aýa temperatýrasy túnde 0-8 aıazdan 5-13 aıazǵa deıin tómendeıdi. Kúndiz 0-8 aıaz, ońtústikte aýa temperatýrasynyń negizgi fony kúndiz 3-13 jyly, al ońtústik-shyǵysta 0-8 jyly bolady», - delingen sınoptıkterdiń habarlamasynda.