Túrksib aýdanynyń "Maıak" shaǵynaýdanynda jáne Jeltoqsan saıabaǵynda, sondaı-aq Esentaı ózeniniń jaǵalaýynda qala turǵyndarynyń demalýy úshin jańa oryndar qurylýda. Qoǵamdyq keńistikti damytý týraly Almaty qalasy ekologıa jáne qorshaǵan orta basqarmasy basshysynyń orynbasary Ulan Abdýldaev Óńirlik komýnıkasıalar qyzmetiniń brıfıńinde málimdedi, dep habarlaıdy Almaty-akshamy.kz.
Almaty qalasynda barlyǵy 211 qoǵamdyq nysan (saıabaqtar, jaǵalaýlar jáne t.b.), sondaı-aq 4 tabıǵı aımaq («Medeý» MATP, «Baým» toǵaıy, «İle Alataý» MUTP – 12 219 ga, Botanıkalyq baq) bar.
Spıkerdiń aıtýynsha, qala shekarasynyń keńeıýine, kólik ınfraqurylymynyń belsendi damýyna jáne turǵyn úı qurylysyna, sondaı-aq halyq sanynyń ósýine baılanysty jańa qoǵamdyq aımaqtardy uıymdastyrýǵa qajettiligi týyndap otyr.
Qalada birinshi kezekte qalanyń tómengi bóliginde jańa qoǵamdyq jasyl aımaqtar qurylýda.
Bul rette jańa saıabaqtar men alańdardy jabdyqtaý boıynsha 10 joba ázirlenýde. JSQ ázirleýge qarajat bólýge ótinim berildi.
Jalpy aýdany 206,6 gektardy quraıtyn jańa demalys aımaqtaryn qurý úshin JSQ ázirlenýde. Saıran kóliniń jaǵasynda jańa qoǵamdyq aımaq qurylady, sondaı-aq Baým toǵaıy abattandyrylady. 2022 jyldyń sońyna deıin Almatyda tórt jańa saıabaq alańy qurylyp, 4 saıabaq qaıta qalpyna keltiriledi.