Bul týraly Óńirlik komýnıkasıalar qyzmetiniń brıfıńinde Almaty qalasy ekologıa jáne qorshaǵan orta basqarmasy basshysynyń orynbasary Ulan Abdýldaev málimdedi. Aksıa bastalǵannan beri 643 myń jas aǵash kóshetteri otyrǵyzyldy, dep habarlaıdy Almaty-akshamy.kz.
Ulan Abdýldaevtyń aıtýynsha, qalada 4 mıllıonnan astam aǵash ósedi.
«Alaıda, Almatynyń barlyq aýdandary jasyl jáne abattandyrý alańdarymen maqtana almaıdy. Búgingi kúni jasyl jelektermen qamtamasyz etý birkelki emes. Mysaly, Alataý men Naýryzbaı aýdandarynda jetkiliksiz», – dedi Ulan Abdýldaev.
Aǵashtardyń jalpy sanynan 485 myń jetilgen jáne jasamys aǵashtar negizinen qalanyń ortalyq bóliginde ósedi. Sonymen qatar, Almatyda 84 myń apatty aǵash bar.
Bul máseleni sheshý úshin olardy kezeń-kezeńimen kesý jáne jas kóshetterge aýystyrý boıynsha arnaıy bes jyldyq baǵdarlama qabyldandy. Bıyl 5 myń apatty aǵash kesilip, onyń ornyna 50 myń kóshet otyrǵyzylady.
«1 mln aǵash otyrǵyzý boıynsha «Jasyl Almaty» baǵdarlamasyn júzege asyrý jalǵasýda. Aksıa bastalǵaly 643 myń kóshet otyrǵyzylsa, 2022 jyldyń kókteminde 145 myń aǵash otyrǵyzyldy. Bıylǵy jyldyń sońyna deıin 360 myń jer telimi qaldy. Kógaldandyrý alańdary ǵalymdardyń pikirlerin eskere otyryp, dendrologıalyq josparǵa sáıkes belgilenedi», - dep atap ótti vedomstvo ókili.
ÓKQ barysynda spıker jalpy paıdalanylatyn jerlerde ósetin barlyq aǵashtar qalanyń jasyl ekpeleriniń biryńǵaı tizilimine engizilgenin eske saldy. Qalalyq jasyl keńistik tizimi júıesi negizinde jasyl keńistikterdiń túrleri, túr quramy, aýmaq kólemi, jaǵdaıy jáne ornalasýy týraly derekterdi únemi jańartyp otyrady.
Basqarma basshysynyń orynbasary túıtkildi taqyrypty aıtty – sońǵy jyldary Almatyda qalalyq ekpelerge zıan keltiretin ınvazıalyq zıankester túrleriniń jappaı enýi baıqalýda.
«Biz aǵashtar men butalardy qorǵaý jáne jaqsartý sharalaryn qabyldadyq. Biz bıologıalyq ónimder keshenin jáne feromon tuzaqtarynyń bıologıalyq agentterin qoldanamyz», — dep atap ótti Ulan Abdýldaev.
Júrgizilgen jumystardyń arqasynda tájdiń zaqymdaný dárejesi 70-85%-dan 30-35%-ǵa deıin tómendedi, keı jerlerde aýrýdyń tolyq aldyn alǵan.