Bul týraly Almaty ákiminiń Alataý aýdany turǵyndarymen kezdesýinde málim boldy, dep habarlaıdy Almaty-akshamy.kz.
- Men «Ójet» yqshamaýdanynda turamyn. Ózimniń aýdanymdy jáne «Qarasýdy» óte jaqsy bilemin. Óıtkeni osy jaqta jıi júremin. Bizde de joldar óte nashar. Ásirese, joldaǵy lúktardyń aınalasy qazylyp ketken. Kólikter sodan qashyp qaýipti jaǵdaı týdyryp jatady, - dep qala ákimine saýal joldady aýdan turǵyny.
«Osy jyly arnaıy Alataý aýdanyndaǵy 60 kóshede ortasha jóndeý jumystaryn júrgizemiz. Jol joq, buryn bolmaǵan jerlerge salyp beremiz. Endi lúk boıynsha, olar baıaǵy tehnologıamen salynyp, buzylǵan. Osy jyly jańa, qulamaıtyn qalqymaly lúktardy salaıyn dep jatyrmyz. Ortasha jóndeý bolǵan kóshelerde lúktardy birden salamyz. Osy jyly oıymyzda 10 myń lúk satyp alý bar. Barlyǵy qalamyzda 40 myń lúk jatyr. Olardy ózińiz biletindeı taǵy urlaıdy. Aldymyzdaǵy mamyr-maýsym aılarynyń ishinde qaladaǵy eń jınalyp qalǵan suraqtardy sheshýge tapsyrma berdim, qarajatty bóldik. Jańa lúk salǵannan keıin ol 10 jyl jatady, eshkim urlamasa», - dep jaýap berdi qala ákimi Erbolat Dosaev.