Almatyda jaıaý júrginshini qaǵyp ketken avtobýs júrgizýshisi jalǵan júrgizýshi kýáligin jasaǵan.
29 jastaǵy qoǵamdyq kólik júrgizýshisi 2022 jyldyń qazan aıynda Tóle bı dańǵylymen shyǵys baǵytta kele jatyp, belgilenbegen jerden joldyń ońtústigine qaraı ótip bara jatqan áıeldi qaǵyp ketken. Onyń júrgizýshi kýáligi jalǵan bolyp shyqqan, dep habarlaıdy Almaty-akshamy.kz Polisia.kz-ke silteme jasap.
«Bul derek QR QK-niń 345-baby 2-bóligi boıynsha sotqa deıingi tergeýdiń biryńǵaı tizilimine tirkeldi. Sot-medısınalyq saraptamasynyń qorytyndysyna sáıkes, JKO saldarynan jaıaý júrginshiniń densaýlyǵyna aýyr zıan kelgen. Tergeý barysynda júrgizýshiniń júrgizýshi kýáligi kúdik týdyrdy. Arnaıy saraptama onyń qoldan jasalǵanyn anyqtady. Bul derek taǵy bir qylmystyq isti tirkeýge negiz boldy. Jaqynda sot úkimi shyqty», – dedi Almaty qalalyq PD anyqtaý basqarmasynyń bastyǵy Oljas Sháripov.
Medeý aýdanynyń №2 sotynyń qaýlysymen 29 jastaǵy J.esimdi azamat QR QK-niń 385-babynyń 2,3 bóligi boıynsha qylmystyq quqyq buzýshylyq jasaǵany úshin kináli dep tanylyp, eki jylǵa bas bostandyǵyn shekteý jáne 80 saǵat qoǵamdyq jumysqa tartý jazasy taǵaıyndaldy.