Almatyda Respýblıka kúni qarsańynda uıymdastyrylǵan «Jańa Qazaqstan. Taza tabıǵat» atty jalpyqalalyq senbilik ótýde, dep habarlaıdy almaty-akshamy.kz
Qalalyq Máslıhat pen ekologıalyq birlestikterdiń bastamasymen ótip jatqan senbilik aıasynda demalys aýmaqtary, saıabaqtar, skverler men aýlalarda tazalyq jumystaryn júrgizip, 10 myńǵa jýyq túp aǵashyn otyrǵyzý josparlanǵan.
Almaty qalalyq ákimdigi kóshetter men otyrǵyzýǵa arnalǵan jabdyqtarmen (qolǵaptar, qaptar, kúrek, tyrmalar) usynyp, qatysýshylardy sýmen qamtamasyz etip, jınalǵan qoqysty polıgonǵa shyǵarady.
Senbilik ótip jatqan aımaqtardyń biri - “Kók Qaınar” yqshaýdanyndaǵy Boraldaı ózeniniń jaǵasy.
Uıymdastyrýshylardyń aıtýynsha, qazir bul jerde jóndeý jumystary júrgizilip jatyr. Sondyqtan ózen jaǵasyn jıi tazalap turý kerek.
İs-shara ótetin barlyq aýmaqta konsert pen 15 mınýttyq jattyǵý sıaqty mádenı oıyn-saýyq baǵdarlamalary qarastyrylǵan.
“Senbilik uıymdastyryp, tazartý jumystaryna mán berýimiz asa mańyzdy. Boraldaı ózeniniń jaǵasyn tazartyp, aǵash otyrǵyzýǵa 4 basqarmanyń qyzmetkerleri jınaldy. 100 túp aǵashy otyrǵylady. Olardyń 50-i shyrsha, 30-y úıeńki, qalǵany - alma aǵashtary”,- dedi Almaty qalasy Jaıly qalalyq orta basqarmasy bóliminiń basshysy Ernar Býkeshov.
Ǵalıa Toqseıitova, Almaty qalasy Týrızm basqarmasynyń basshysy:
- Elimiz úshin mańyzdy memlekettik mereke qarsańynda bizdiń basqarmanyń da qyzmetkerleri qolyna qajetti qural-saımandaryn alyp, senbilikke shyqty. Aǵash otyrǵyzyp, qoqystardy jınaýǵa basqarmadan 15 qyzmetker keldi. Meniń oıymsha, qalanyń ár turǵyny osyndaı sharalarǵa belsendilik tanytýy kerek.