Kelesi aýqymdy is-shara kúzge josparlanǵan
Saqtansań saqtaıdy. Búgin Almatyda dabyl qaǵylyp, jalpyqalalyq seısmojattyǵý ótti. Onda qutqarýshylardyń ǵana emes, jergilikti turǵyndardyń da daıyndyǵy synaldy, dep habarlaıdy Almaty-akshamy.kz Almaty.tv-ge silteme jasap.
Saǵat 11:00-de dabyl soǵylyp, qaladaǵy jurt ań-tań. Mektep qasyndaǵy qurylysy bitpegen nysannan qoıý kók tútin shyǵyp, mańynda jedel járdem men órt sóndirýshiler júr. Oqý-jattyǵý bolǵanymen barlyq maman baryn saldy. Qara terge malynyp, jer silkinisi zardabymen kúresý jumysyn pysyqtady.
Seısmojattyǵýǵa mektep oqýshylary da qatysty. Jetkinshekterge apat kezinde qalaı saqtaný keregi aıtylyp qana qoımaı, tájirıbe júzinde kórsetildi. Barlyǵy dalaǵa shyǵarylyp, avtobýspen evakýasıalandy.
«Jyldyń sońyna deıin Almaty qalasynda 7 baldan joǵary jer silkinisi bolmaıdy degen boljam bar. Bul – josparly túrde ótip jatqan seısmojattyǵý. Jalpy maqsaty – Almaty qalasy turǵyndary men qonaqtarynyń jer silkinisi kezindegi is-qımylyn pysyqtaý», – dedi Tótenshe jaǵdaılar departamenti bastyǵynyń mindetin atqarýshy Erlan Álibekov
Búgingideı jalpyqalalyq sesmojattyǵý endi 2 ret ótkiziletin boldy. Kelesi osyndaı aýqymdy is-shara kúzge josparlanǵan. Almatydaǵy bilim men medısına mekemelerinde de kishigirim oqý-jattyǵýlar júrgiziledi. Bıyl 3 myńǵa jýyq is-shara uıymdastyrylypty.