Almaty qalasy boıynsha Qarjylyq monıtorıń agenttiginiń departamenti «Comfort Time» JSHS jáne oǵan baılanysty kompanıalarǵa qatysty tergeý júrgizip jatyr, dep habarlaıdy aqshamnews.kz
Uıymdastyrýshylar jalǵan kásiporyndar arqyly jumys istemeıtin azamattarǵa zeınetaqy aýdarymdaryn rásimdep, bankterdi tabysy men tólem qabilettiligi jóninde jańylystyrǵan.
Sonyń arqasynda olar nesıe alýǵa qol jetkizgen.
Sqema boıynsha deldaldar nesıe somasynyń 10%-yna deıin «syıaqy» alyp otyrǵan. Nátıjesinde 399 mln teńge kóleminde 140 qaıtarylmaıtyn nesıe berilgen.
Osyndaı derekter Astana, Almaty, Shymkent qalalarynda jáne Jetisý, Abaı, Mańǵystaý, Jambyl, Aqtóbe oblystarynda da anyqtaldy.