Ádilet mınıstrliginiń Almaty qalasy boıynsha departamenti 2024 jyldyń 28 tamyzynda «HUGO BOSS» taýar belgisin zańsyz paıdalanǵan kontrafaktilik ónimderdi anyqtady, dep habarlaıdy aqshamnews.kz
«HUGO BOSS AG» kompanıasynyń ókiliniń shaǵymy negizinde Almaty qalasynyń kóterme saýda bazarlarynyń birinde erler kıimin kóterme satýmen aınalysatyn jeke kásipkerge jospardan tys tekserý júrgizildi. Tekserý barysynda «HUGO BOSS» taýar belgisin zańsyz paıdalaný faktisi anyqtaldy.
Úılestirilgen is-qımyldar nátıjesinde 1,5 mıllıon teńgeden astam somaǵa 1 600 birlik jalǵan taýar tárkilendi. Kásipker bul jalǵan taýarlardy Qazaqstannyń barlyq óńirlerine satqan. Sonymen qatar, taýardyń satyp alý quny naqty somadan 300%-ǵa asyp ketkeni anyqtaldy.
Qazirgi ýaqytta kásipker QR ÁQBtK-niń 158-baby boıynsha ákimshilik jaýapkershilikke tartylýda. Osy baptyń sanksıasy taýarlardy tárkileı otyryp, 80 aılyq eseptik kórsetkishke deıin aıyppul salýdy kózdeıdi.
Ádilet organdary zıatkerlik menshik salasyndaǵy jumysyn jalǵastyrýda.