Almaly aýdandyq polısıa Basqarmasynyń málimetinshe, tergeýdiń qazirgi kezeńinde 31 jastaǵy Almaty turǵyny 9 azamatty aldap ketken.
Olardyń sany odan da kóp bolýy múmkin, dep habarlaıdy aqshamnews.kz qalalyq Polısıa departamentine silteme jasap.
«Jábirlenýshilerdiń sózinen belgili bolǵandaı, er adam Qytaıdan avtokólikter men mopedter ákelemin dep ýáde berip, tapsyrystyń aqysyn alyp, óz mindettemelerin oryndamaǵan. Qazirgi ýaqytta obektıvti jaǵdaılar anyqtalýda. Sonymen qatar, kúdiktiniń qylmystyq áreketinen zardap shegýi múmkin basqa da azamattardy anyqtaý jumystary júrgizilýde», - deıdi, Almaly aýdandyq polısıa Basqarmasynyń bastyǵy, polısıa podpolkovnıgi Oljas Sháripov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.