36 jastaǵy S.esimdi azamat pen 31 jastaǵy K.esimdi azamat ózin ishki ister organdarynyń qyzmetkerlerimiz dep tanystyrǵan.
Olardyń bireýi, belgili bolǵandaı, buryn múliktik qylmys jasaǵany úshin sotty bolǵan, dep habarlaıdy Almaty-akshamy.kz
«Olardy bizdiń bólimshe qyzmetkerleri Bostandyq aýdandyq PB-daǵy áriptesteriniń kómegimen áshkereledi. Qaskóıler ózderin polısıa qyzmetkeri retinde tanystyryp, jaýapqa tartamyz dep qorqytyp, massaj qyzmetin kórsetetin salonnan birneshe ret aqsha alǵandyǵy anyqtaldy. Kúdiktiler óz kinásin moıyndady. Olardyń áreketteri QR QK-niń 190-baby 2-bóligimen kvalıfıkasıalanǵan. QR QİJK-niń 128-babyna sáıkes kúdiktiler ýaqytsha ustaý ızolátoryna qamaldy. Qazirgi ýaqytta is boıynsha tergeýdiń tolyqtyǵy men obektıvtiligin qamtamasyz etýge baǵyttalǵan tergeý sharalary júrgizilip jatyr», – dedi Almaty qalalyq PD ózindik qaýipsizdik basqarmasynyń bastyǵy Erik Jumabaı.
Sonymen qatar QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.