Bul Antıkordyń málimdemesi.
Vedomstvoǵa 1424 Call-ortalyǵy arqyly mektepterdegi aqsha jınaý faktisi boıynsha 20-dan astam shaǵym túsken, dep habarlaıdy Almaty-akshamy.kz
Sybaılas jemqorlyqqa qarsy is qımyl agenttiginiń Almaty oblysy boıynsha departamentiniń aqparatyna sáıkes, mektepte syılyq alǵan dırektor men muǵalim qylmystyq jaýapkershilikke tartylady.
"Jyl saıyn mektepterde sońǵy qońyraýlar, bitirý keshteri jáne muǵalimder men mektep dırektorlaryna qymbat syılyq alyp jatady. Oqýshylardyń ata-analary qosymsha shyǵyndardy kótermeýi kerek. Qazaqstanda orta bilim tegin. Barlyq mektepte alymdarǵa qatań tyıym salynady", - deıdi agenttik mamandary.
Dırektor men muǵalim syılyq alǵan jaǵdaıda qylmystyq jaýapkershilikke tartylady.
"Mektep dırektorlary zańsyz materıaldyq syıaqy men para alǵany úshin ákimshilik jáne qylmystyq jaýapkershilikke tartylady. Ákimshilik sybaılas jemqorlyq úshin 600 AEK aıyppul salynady, al qylmystyq jaýapkershilikke tartylsa, múlki tárkilene otyryp, para somasynyń 20 eselengen mólsherinde aıyppul salýdan bastap 15 jylǵa deıingi merzimge bas bostandyǵynan aıyrý jazasy belgilenedi. Al muǵalimderge quny 10 AEK-ten asatyn syılyq berýge tyıym salynady. Eger zańbuzýshylyq bolǵan jaǵdaıda 2000 AEK deıin aıyppul túrindegi qylmystyq jaýapkershilikke tartylady", - dep jazylǵan antıkor habarlamasynda.
Ata-analardan nemese qyzmetkerlerden aqsha jınaý faktileri, sondaı-aq basqa da sybaılas jemqorlyq týraly 1424 Call-ortalyǵyna shaǵymdanýǵa bolady.