Olar Almaty qalasynda 2021 jyldyń qańtar aıynan bastap turady
Almatyda iz-tússiz joǵalǵan 15 jasar nıgerıalyq qyz tabyldy, – dep habarlaıdy Almaty-akshamy.kz.
Áýezov aýdandyq polısıa basqarmasyna polısıa bólimshesinen habarlanǵandaı 12 qyrkúıekke qaraǵan túni qaladaǵy jalpy bilim beretin mektepterdiń birinde oqıtyn 15 jastaǵy oqýshy joǵalyp ketken.
«Qyzdyń anasy 102 púltine túngi 01:40 mınýttar shamasynda qońyraý shalǵan. Áıeldiń aıtýynsha, qyzy úıde bolǵan janjaldan keıin ketip qalǵan. Kámeletke tolmaǵan balanyń joǵalǵanyn eskerip, arnaıy izdestirý toby quryldy. Abyroı bolǵanda, qyz tabylyp, ata-anasyna aman-esen tapsyryldy», – dedi polısıa bólimshesiniń bastyǵy Elnur Qudretbaev.
Spıkerdiń aıtýynsha, oqıǵanyń mán-jaıy men sebepterin egjeı-tegjeıli zerdeleý barysynda otbasynyń tárbıeli ekendigi anyqtaldy. Olar Almaty qalasynda 2021 jyldyń qańtar aıynan bastap turady.