Júlde fılmdegi basty keıipkerdi somdaǵan akter Aslanbek Janbalaevqa berildi.
Qazaqstandyq eki fılm Qazandaǵy halyqaralyq musylman kınofestıvalinde júldeli oryndarǵa ıe boldy, dep habarlaıdy Almaty-akshamy.kz
«Kórermen kózaıymy» júldesin Tatarstan men Qazaqstannyń birlesken jobasy – «Tarlan» fılmi aldy. Marapatty tabystaý úshin fılmniń rejıseri Iýlıa Zaharova, fılmniń qazaqstandyq taraptaǵy bas prodúseri Almagúl Tileýhanova jáne fılmniń bas keıipkeri Bekejan Maıasarov shaqyryldy.
Qazylar alqasynyń arnaıy júldesi «Muqaǵalı» (Qazaqstan) fılmine buıyrdy. Bul týyndy qazaqtyń aqyny Muqaǵalı Maqataevqa arnalǵan jáne fılm onyń ómiriniń sońǵy jyldaryn baıandaıdy.
«Muqaǵalı» fılminiń rejıseri – Bolat Qalymbetov. Fılmniń álemdik tusaýkeseri «Qarańǵy túnder» 25-shi Tallın kınofestıvali (PÖFF) aıasynda ótip, onda qazaqstandyq fılm ekýmenıkalyq qazylar alqasynyń júldesine ıe boldy.
Osy jyldyń naýryz aıynda bıografıalyq kartına Keralada (Úndistan) ótken 26-shy halyqaralyq kınofestıvaldiń «Álemdik kıno» nomınasıasy boıynsha usynyldy.
7-11 qyrkúıek aralyǵynda Tatarstan astanasynda Qazan halyqaralyq musylman kınofestıvali ótti. XVIII Qazan musylman kınofestıvali aıasynda jurtshylyq nazaryna kınoforýmnyń konkýrstyq jáne baıqaýdan tys baǵdarlamalarynyń 120-dan astam kınotýyndysy usynyldy. Kınokórsetilimderin 10 myńnan astam kórermen tamashalady.
İskerlik alańǵa Reseı aımaqtary men alys-jaqyn shet memleketterden kınoındýstrıa salasynyń 165 ókili qatysty. Negizgi baıqaý baǵdarlamasyna Túrkıa, Qazaqstan, Úndistan, Iran, Bangladesh, Mysyr fılmderi, sondaı-aq birlesken óndiriste túsirilgen eki fılm kirdi. Bıyl álemniń 44 elinen barlyǵy 625 kınotýyndy tirkelgen.