Olımpıada eki aınalymda ótedi.
Abaı atyndaǵy respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdete oqytatyn orta mektep-ınternatynda IV Respýblıklyq Abaıtaný olımpıadasy ótti,dep habarlaıdy Almaty-akshamy.kz Turkystan.kz silteme jasap.
Uly aqynnyń baı murasyn jas urpaq sanasyna tereń ári jan-jaqty sińirýge baǵyttalǵan olımpıadanyń maqsaty – M.Áýezovtiń «Abaı joly» roman-epopeıasyn tolyq meńgerý arqyly kemeńgerdiń aqyndyq bolmysyna úńilý, Abaıdyń shyǵarmashylyǵy men ónegeli ómirinen ǵıbrat alyp, ómirde qoldaný, zıatkerlik jáne shyǵarmashylyq qabiletterin damytý. Sol arqyly Abaı óleńderiniń mán-mańyzy men qadir-qasıetin túsiný, Abaı qarasózderiniń tárbıelik-taǵylymdyq mańyzyn uǵyný, Abaısha oılaýǵa umtylý, sóıleý mádenıetin úırenýge, til tazalyǵyn saqtaýǵa daǵdylaný jáne kúndelikti ómirde qoldaný.
Olımpıada eki aınalymda ótedi. 1-aınalymda qatysýshy Abaıdyń qarasózderi men poezıasy negizinde daıyndalǵan taqyryptardyń birine esse jazady. Al 2-aınalymda M.Áýezovtiń «Abaı joly» romanynan berilgen úzindiniń qaı taraý, qandaı bólimnen alynǵanyn aıtyp, mazmunyn jalǵastyrady. Roman mazmunynan «sokrattyq» suraqtar berilip, logıkalyq deńgeıi tekseriledi. Abaı shyǵarmashylyǵy boıynsha daıyndalǵan tapsyrmalarǵa jaýap beredi. Ár janrdaǵy shyǵarmalaryna jan-jaqty taldaý jasap, alǵan tálimi men bilimin sarapqa salyp, synnan ótkizedi. Abaıtanýshylar jaıly tanym-deńgeıin kórsetedi. Sondaı-aq, M.Áýezovtiń «Abaı joly» romanynan alynǵan sóılemge keshendi taldaý jasaý arqyly gramatıkalyq saýattylyǵy anyqtalady.
Olımpıadanyń Respýblıkalyq kezeńine oblystyq, qalalyq deńgeıden jeńimpaz bolǵan oqýshylar, atap aıtqannda, 14 oblys, 3 qala, Respýblıkalyq bilim berý uıymdary, NZM DBBU, Abaı mektepteri jelisi boıynsha jalpy sany 130 oqýshy qatysty. Júzden ozar júırikterdi belgili Abaıtanýshy, ádebıetshy-tilshi, zertteýshiler anyqtaıdy. Júldegerler baǵaly syılyqpen marapattalady. Jan-jaqtan jınalǵan qatysýshylar men jetekshiler M.Áýezov atyndaǵy teatrǵa baryp, qoıylym tamashalasa, jetekshilerge koýchıng-semınar kórsetildi.