Bul týraly «AMANAT» partıasynyń hatshysy Eldar Jumaǵazıev málimdedi.
Aýyl turǵyndarynyń tabysyn arttyrý baǵdarlamasy 2025 jylǵa deıin baǵyttalǵan, dep habarlaıdy Almaty-akshamy.kz
«Bizdegi damý jobasy aýyl turǵyndarynyń tabysyn kásipkerlik arqyly arttyrý. Eń aldymen biz árbir aýyldyq jerlerge screening júrgizemiz. Odan aımaqtyń áleýeti qandaı ekenin anyqtaımyz. Máselen, aýyldy mekende qansha jobany iske asyra alamyz, ol jer aýdan ortalyǵyna jaqyn ba? Jep-shóp qory mol ma? Bir jarym aıǵa jýyq ýaqytta óńirge screening jumysyn júrgizgen kezde osy daǵdylar eskeriletin bolady. Osy jobaǵa oraı óńirlerdiń ákimderin oqytyp jatyrmyz», - dedi ol aýyl turǵyndarynyń tabysyn arttyrýǵa arnalǵan baspasóz máslıhatynda.
Partıa hatshysynyń atap ótýinshe, jergilikti aýyldy mekenderge screening jasalyp bolǵannan keıin, ekonomıkalyq baǵdarlama engiziledi. Odan keıin árbir otbasynyń tabysy qansha paıyzǵa kóteriletini esepteledi.
Qazirgi maqsatymyz memlekettik jobalar ishinen halyqqa durys bir baǵytty kórsetý bolyp otyr. Meniń oıymsha, usynylyp otyrǵan jobanyń bolashaǵy zor. «Aýyl amanaty» halyqty aýylda qaldyrýdyń negizigi ınstrýmenti retinde qabyldasaq bolady. Qazirgi basty problema aýyl halqynyń qalaǵa kóshýin toqtataý. Ol úshin eldi mekenderdiń ekonomıkalyq potensıalyn bilýmiz qajet. Sol arqyly halyqtyń tabysyn arttyra alamyz, - dedi Eldar Jumaǵazıev.