Dástúrli shara aıasynda 50-ge tarta týyndy sarapqa salynady.
Bıyl festıválǵa álemniń 15 memleketinen anımator mamandar kelgen, dep habarlaıdy Almaty-akshamy.kz 24.kz-ke silteme jasap.
"Olardyń qatarynda «Bekzat», «Batyr ushqyshtar», «Tentekter» atty otandyq anımasıalyq fılmder de bar. Qazaq anımasıa óneriniń aıaqalysy qýantady, mamandardyń da áleýeti joǵary", - deıdi sarapshylar.
Festıvál aıasynda Polsha, Fransıa, Grýzıa, Ispanıa, Ózbekstan, Qytaı, Ázirbaıjan, Reseı jáne Qazaqstannyń anımatorlary túsirgen týyndylardy Konstantın Bronzıt basqaratyn bilikti qazylar alqasy tarazylaıdy. Festıvál Meıirjan Sandybaıdyń «Shyraq» qysqametrajdy anımasıalyq fılmimen ashyldy.
Aıta keteıik, bıyl qazaq anımasıa ónerine - 55 jyl. «Qarlyǵashtyń quıryǵy nege aıyr?» atty tuńǵysh qazaq múltfılmi 1967 jyly ekranǵa shyqqan bolatyn.
«Toǵyz nomınasıa bar. Bıylǵy jyly gran-prıdan bastap "Úzdik senarı", "Úzdik kórkemdik sheshim", "Úzdik fılm", "Úzdik serıal", "Úzdik stýdenttik jumys" degen sıaqty atalymdar bar. Biz bıyl eki birdeı jańa syılyqty taǵaıyndadyq. Ol Ámen Haıdardyń atyndaǵy arnaıy syılyq jáne osy festıváldi uıymdastyryp jatqan qaýymdastyqtyń arnaıy syılyǵy», - dedi Amen anımasıalyq fılmder festıvaliniń teń prezıdenti Adaı Ábeldınov.
«Talantty jastar, talantty stýdıalar bar. Amerıkadan, Eýropadan zakaz alyp istep jatqan, Japonıa, Reseıdiń de anımasıalyq fılmderiniń jasalýyna atsalysyp jatqan talantty jastardy jaqsy bilemiz. Solardyń ishinde ózimniń shákirtterim de, stýdentterim de bar. Bul Qazaqstandaǵy anımasıalyq kıno salasy mamandarynyń qabiletiniń de, talantynyń da jetkilikti ekenin kórsetedi», - dedi «Qazaqanımasıa» shyǵarmashylyq birlestiginiń jetekshisi Jánibek Orazaly.