Maqta sharýashylyǵy elimizdiń ekonomıkasynda erekshe oryn alady.
Ózbekstandyq "Gurlan Global Teks" kompanıasy Túrkistanda maqta klasteri boıynsha zaýyt salýǵa nıetti, dep habarlaıdy Almaty-akshamy.kz Inbusiness.kz silteme jasap.
Kompanıanyń prezıdenti Eldor Osmanov oblystyń ınvestısıalyq áleýetimen tanysty.
Túrkistan oblysy ákiminiń orynbasary Ermek Kenjehanulynyń aıtýynsha, maqta ósirý Maqtaral aýdanynda joǵary deńgeıde jaqsy damyǵan. Ol "Gurlan Global Teks" kompanıasymen maqta klasteri boıynsha ekijaqty iskerlik qarym-qatynasty ornatýǵa múddeli ekenin jetkizdi.
Maqta sharýashylyǵy elimizdiń ekonomıkasynda erekshe oryn alady. Oblys turǵyndarynyń basym bóligi bul salada jumys isteıdi.